Ёшлар орасида наркоманиянинг ўсиши: Давлат ва жамият инқирози
Бугунги кунда ёшлар орасида наркотик моддалар истеъмоли ва у билан боғлиқ жиноятларнинг кескин ортиб бораётгани — бу шунчаки ижтимоий муаммо эмас, балки миллий хавфсизликка таҳдид ва жамият инқирози хисобланади.
Келажак авлоднинг заҳарланиши давлат ва жамият пойдеворини емирадиган энг хавфли жараёндир.
Глобал кураш ва профилактика
Синтетик ва табиий наркотикларга қарши кураш фақатгина битта идора ёки давлатнинг иши эмас, балки бутун инсониятнинг умумий кураши бўлиши шарт. Бу йўлда профилактик чораларни кучайтириш, мактаблардан тортиб олий ўқув юртлари ва ташкилотларгача бўлган тизимни тўлиқ қамраб олиш лозим. Биз номига, статистика учун ишлашни эмас, балки амалий натижа берадиган тизимли профилактикани йўлга қўйишимиз керак.
Стратегик ёндашув: прекурсорлар ва кимёвий назорат
Синтетик наркотиклар ишлаб чиқаришда ишлатиладиган прекурсорлар, кимёвий моддалар ва минераллар устидан назоратни кескин кучайтириш — давр талаби. Тиббиёт, кимё ва саноат соҳаларида ушбу моддаларнинг ҳисоби (инвентаризацияси) қаттиқ назоратга олиниши зарур. Жумладан:
· Хориждан қанча кириб келди?
· Ишлаб чиқаришда қанча ишлатилди, асл эҳтиёж қанча эди?
· Омбор захираларида қанча қолди?
Ҳар бир грамм модданинг ҳаракати шаффоф бўлиши лозим.
Идоралараро ҳамкорлик ва ягона маълумотлар базаси
Чегара, божхона ва ҳуқуқни муҳофаза қилиш органлари ўртасида тезкор маълумот алмашинуви ва ягона назорат базасини яратиш зарур. Амалга оширилган ишларнинг тизимли таҳлили "қоғозбозлик"дан холи бўлиб, реал хавфларни бартараф этишга хизмат қилиши керак.
Келажак авлодни асраб қолиш — бугунги стратегик қарорларимизга боғлиқ.
Муаллиф: Б.Х. Суванов
https://medium.com/@diplomatic_madder_rabbit_249/drugaddiction-youth-society-future-nationalsecurity-prevention-fightagainstdrugs-5755aa2d0415
