Тыва кижи элдептиг,
Тыны-биле тудуш дег,
Соктаан тараа көргенде
Сооду чайгаар үнүп кээр.
Тыва кижи элдептиг,
Тыны-биле тудуш дег,
Соктаан тараа көргенде
Сооду чайгаар үнүп кээр.
Авам хөөкүй бичиимде
Албан тараа белеткээр.
Челбип турда, чиксээштиң
Четтикпейн-не турар мен.
Холуй-бүлүй ургаштың
Хооруп-былгап кириптер.
Четчип-бышкан айызы
Чедер кылдыр чытталыр.
Бала биле согаашка
Бар-ла күштүг шоңнаар мен.
Маңган ак-ла болзун дээш,
Мага хандыр соктаар мен.
Тараавыста витамин
Таан көвей билир мен.
Хевирикти эмнептер
Хевээ безин үнелиг.
Ааржы биле тарааны
Аралаштыр холуптар.
Сүттү немей кударга,
Сүүзүнү-даа кедергей.
Чашкы шаамдан мынчага
Чаагай чыды сиңниккен.
Таалайымда амданныг
Тараам ынак чемим ол.
Совхоз-колхоз шагда-ла
Соглуп-буступ, дүшкен бол,
Ийи-Талдың тараазы
Ийлээн чүрээм эмнеп чор.
Юрий ТУҢ-ООЛ.
#шүлүктер