Олоҥхо дьиэ кэргэнтэн саҕаланар
Маннык ааттаах кылаас чааһа П.И. Шадрин аат. Өктөм орто оскуолатын бастакы кылааһын оҕолоругар буолла. Бэлиэ күҥҥэ бу кылаас үөрэнээччитэ Эльдар Фомин дьиэ кэргэнэ ыалдьыттаатыбыт.
Бастакы кылаас учуутала Зоя Петровна:
«Оҕолооор, биһиги бэйэ бэйэбитин үчүгэйдик билсэбит, онтон хас биирдии оҕо дьиэ кэргэнин, кинилэр тугунан дьарыктаналларын туһунан билсиини саҕалыахпыт. Бүгүн биһиэхэ ыалдьыттыы кэллилэр Эльдар дьиэ кэргэнэ - Фоминнар дьиэ кэргэттэрэ. Аҕата Олег Юрьевич – «Алгыс» СХПК салайааччыта, ийэтэ Елена Вассевна – олохтоох дьаһалта бухгалтера, эһээтэ Юрий Николаевич – үлэ бэтэрээнэ, эбээтэ Федора Ивановна – А.С. Данилова аатынан «Барҕарыы» култуура киинин дириэктэрэ, убайа – Алексей Юрьевич култуура киинин звукорежиссера», - диэн ыалдьыттарын билиһиннэрииттэн саҕалаата.
Сиhилии: https://ханаласгазета.рф/oloҥho-die-kergenten-saҕalanar/
Федора Фомина, Өктөм с.
