У Смаргонскім раённым Цэнтры культуры адбылося ўрачыстае мерапрыемства «Галоўны закон краіны», прысвечанае Дню Канстытуцыі Рэспублікі Беларусь. Адкрываючы вечар, вядучыя нагадалі гледачам пра фундаментальную ролю Асноўнага Закона, які гарантуе правы і свабоды грамадзян, з'яўляючыся падмуркам незалежнасці і суверэнітэту краіны.
Урачыстасць пачалася з выканання Дзяржаўнага гімна хорам, які аб'яднаў усіх удзельнікаў у зале.
Першым да прысутных звярнуўся старшыня Смаргонскага раённага Савета дэпутатаў Сяргей Кудзенчук, павіншаваўшы землякоў з надыходзячым святам.
Кульмінацыяй мерапрыемства стала ўрачыстая цырымонія ўручэння пашпартоў, якая прайшла ў рамках Усебеларускай акцыі «Мы — грамадзяне Беларусі!». Чатырнаццацігадовыя школьнікі раёна атрымалі галоўны дакумент грамадзяніна з рук прадстаўнікоў раённай улады і грамадскіх арганізацый. Разам з пашпартамі рабятам уручылі кнігу «Я – грамадзянін Рэспублікі Беларусь» і экзэмпляры Канстытуцыі.
Вучань сярэдняй школы №1 Максім Брудскі атрымаў дакумент з рук старшыні раённага Савета дэпутатаў Сяргея Кудзенчука:
– Навучанне ў ваенна-патрыятычным класе і ўдзел у конкурсах і алімпіядах заўсёды былі для мяне важнай часткай жыцця. Але сённяшняя падзея – асаблівая. Я адчуваю гонар ад таго, што галоўны дакумент грамадзяніна Беларусі мне ўручылі ва ўрачыстай абстаноўцы, – расказаў Максім.
Намеснік старшыні райвыканкама Дзяніс Галдыцкі ўручыў пашпарт вучаніцы Сольскай сярэдняй школы імя Мар’яна Дуксы Аляксандры Ігнатовіч:
Пракурор Смаргонскага раёна Сяргей Гаўрылюк перадаў пашпарт вучаніцы Сольскай сярэдняй школы імя Мар’яна Дуксы Алене Янецкай:
– Ад сённяшняга дня я стала паўнапраўным грамадзянінам Рэспублікі Беларусь. Гэта адначасова і ганарова, і хвалююча. У школе я вяду актыўнае жыццё: мне падабаецца вучыцца, выступаць у конкурсах, – адзначыла Алена.
Намеснік начальніка раённага аддзела ўнутраных спраў Юрый Карасевіч уручыў пашпарт вучню гімназіі Міхаілу Казакову:
Начальнік упраўлення адукацыі райвыканкама Святлана Шчасная ўручыла пашпарт вучаніцы гімназіі Валерыі Жук:
Старшыня раённага савета ветэранаў Ірына Галдыцкая перадала пашпарт вучаніцы гімназіі Арыне Мусніцкай:
Першы сакратар раённага камітэта БРСМ Вікторыя Біцель уручыла пашпарт вучню гімназіі Ігнату Шыманоўскаму:
Пасля цырымоніі юныя грамадзяне і ганаровыя госці зрабілі агульнае фота на памяць:
Для ўсіх прысутных была падрыхтавана насычаная творчая праграма. Гледачы ўбачылі тэматычны відэаролік пра гісторыю Канстытуцыі і атрымалі асалоду ад выступленняў лепшых калектываў горада. Са сцэны гучалі патрыятычныя песні ў выкананні Наталлі Шэстаковай, Ігара Мігановіча, Тамары Валчановай, салістаў народнага ансамбля народнай песні «Хутарок» і народнага ансамбля песні і танца імя М. К. Агінскага пад кіраўніцтвам Аляксандра Ляха.
Яскравымі харэаграфічнымі нумарамі парадавалі гледачоў узорны ансамбль танца «Вілляначка», а таксама вучні харэаграфічнага аддзялення дзіцячай школы мастацтваў імя М. К. Агінскага.
Святочны настрой падтрымалі ўзорны хор «Глорыя» і ўзорны калектыў эстраднай песні «Камплімент» са Смаргонскай дзіцячай школы мастацтваў імя М. К. Агінскага.
Сваё майстэрства прадэманстраваў і калектыў СШ №6, які выступіў з эфектным шоу сцягоў.
Фота аўтара
Теги: общество Конституция