➡️Talabalar uchun tarix saboqlari: muzeylarga ekskursiyalar!
🔺Toshkent davlat tibbiyot universiteti Ijtimoiy fanlar va pedagogika kafedrasi mudiri, professor Sh.Shoyimova tashabbusi bilan xorijlik va 2-kurs talabalari uchun darsdan tashqari vaqtlarini mazmunli tashkil etish, ularning tarixiy tafakkurini boyitish, mamlakatimizning boy madaniy merosi bilan yaqindan tanishtirish maqsadida qator muzeylarga ekskursiyalar tashkil etildi.
🔺Mazkur ekskursiyalar doirasida talabalar tashrif buyurishdi:
🔹 O‘zbekiston Respublikasining Birinchi Prezidenti Islom Karimov nomidagi ilmiy-ma’rifiy yodgorlik majmuasi;
🔹 Temuriylar tarixi davlat muzeyi;
🔹Qatag‘on qurbonlari xotirasi davlat muzeyi;
🔹Olimpiya va paralimpiya shon-shuhrati muzeyi.
🔺 Shuningdek O‘zbekiston Sog‘liqni saqlash muzeyi hamda universitetning Tibbiyot muzeyida bo‘lib, yurtimizning boy tarixiy merosi, mustaqillik yillarida amalga oshirilgan islohotlar, ajdodlarimiz qoldirgan bebaho madaniy va ilmiy meros bilan yaqindan tanishdilar.
💠Ekskursiyalar davomida talabalar muzey eksponatlari, tarixiy hujjatlar, noyob suratlar va ilmiy manbalar orqali O‘zbekiston tarixining muhim bosqichlari, milliy davlatchilik an’analari, tibbiyot sohasining rivojlanish bosqichlari haqida batafsil ma’lumotlarga ega bo‘ldilar.
🔺Ushbu ekskursiyalar ayniqsa xorijlik talabalar uchun katta taassurot qoldirdi. Ular O‘zbekistonning boy tarixiy merosi, milliy qadriyatlari va madaniy yodgorliklari bilan yaqindan tanishib, mamlakatimizning tarixiy taraqqiyoti va bugungi rivojlanish bosqichi haqida muhim bilimlarga ega bo‘ldilar.
🔹Mazkur ekskursiyalarni tashkil etish va o‘tkazishda kafedra professor-o‘qituvchilari G.Tulemetova, Sh.Mirzayeva N.Gafurova, N.Mirzayeva, Yu.Jabbarova, N.Muratova va N.Kadirovalar faol ishtirok etdilar.
✅Rasmiy sahifalarimiz:
Telegram | Facebook | Instagram | YouTube | X | Linkedin
