Кэрэ, талаан, үөрүү бырааһынньыгар
Бастакы сааскы бырааһынньыгы көрсө Өктөмҥө «Туллукчаан» оҕо уһуйааныгар улахан уонна бэлэмнэнии бөлөхтөр кэрэчээн кыргыттарыгар аналлаах «Туллукчаана Куо - 2026» күрэх олус үрдүк таһымнаахтык буолан ааста.Барыта 13 кыыс бэйэни билиһиннэриигэ, талааннарын, мааны таҥаһы көрдөрүүгэ, боппуруостарга эппиэттииргэ илин-кэлин түһүстүлэр.
Кэрэчээн кыргыттарбыт саҥалара-иҥэлэрэ чуолкайа, бэйэлэрин туһунан уустаан-ураннаан кэпсииллэрэ барыбытын сөхтөрдө. Мааны таҥаһы көрдөрүүгэ кыргыттар бары араас омук таҥаһын таҥнан киирбиттэрэ олус сонун көстүү буолла. Оҕолор боппуруостарга бары да иҥнибэккэ, чобуотук хоруйдаан тас көстүү ис дууһаны кытта дьүөрэлэһиитин көрдөрдүлэр.
Сиhилии: https://ханаласгазета.рф/71726-2/
Федора Фомина, Өктөм с.
