Прырода ўжо дыхае вясной, а для аграрыяў гэта першая прыкмета таго, што хутка ў поле. Як толькі ўсталююцца спрыяльныя ўмовы надвор’я, стартуе пасяўная кампанія-2026
У Капыльскім раёне ў гэтым сезоне неабходна будзе пасеяць амаль 35,5 тыс. га сельскагаспадарчых культур. На пасяджэнні райвыканкама разглядалася пытанне гатоўнасці сельгасарганізацый Капыльшчыны да правядзення веснавых палявых работ. Гэтая ж тэма гучала і на пасяджэнні Мінскага аблвыканкама. ААТ "Скабін" дэманструе высокую гатоўнасць тэхнікі да веснавой сяўбы – больш за 90%. Рамонтныя работы да новага аграрнага сезона падыходзяць да завяршэння. Пытанне захаванасці і належнага стану тэхнікі ў гаспадарцы – адно з перша чарговых.
На асноўнай пляцоўцы, машынным двары ў цэнтры сельгаспрадпрыемства, усё ідзе ў звыклым рытме. Не бачна ніякага аўралу. Хаця, як сцвярджае галоўны інжынер Дзяніс Філіпчанка, міжсезонне – не менш напружаны і адказны перыяд для ўсёй службы. Падрыхтоўка да веснавых палявых работ у гэтай гаспадарцы заўсёды вядзецца па дакладна спланаваным графіку. Як толькі завяршаецца ўборка кукурузы, тэхніку адпраўляюць на рамонт або сэрвіснае абслугоўванне. Практычна ўсю яе тут аднаўляюць сваімі сіламі. А для гэтага ёсць сродкі і рэсурсы.
Арганізацыя працы на мехдвары на высокім узроўні, пастаўка запчастак адладжана да аўтаматызму, ёсць і ўсе неабходныя камплектуючыя. Справа толькі за слесарамі і механізатарамі. Менавіта ад іх беражлівых прафесіяналізму, адносін да тэхнікі залежыць, як яна будзе падрыхтавана да новага аграрнага сезона. Кожны трактарыст-машыніст рамантуе сваю тэхніку асабіста. Так, напрыклад, Іван Салаш і Вадзім Пар хомчык, можна сказаць, з заплюшчанымі вачыма могуць перабраць у трактарах кожны вузел. Затое потым выйдуць у поле са спакойнай душой і ўпэўненасцю, што ўсё працуе, як гадзіннік.
– Для патрэб пасяўной у нас ёсць прычапное абсталяванне, якое будзе працаваць з шасцю энерганасычанымі трактарамі. Сучасная тэхніка дазваляе правесці ворыва хутка і ў час. Абсталяванне амаль поўнасцю гатова да правядзення веснавых работ і чакае свайго часу, "адмашкі" ад аграномаў, – падкрэсліў Дзяніс Філіпчанка. – Гэта плугі прычапныя і абаротныя, агрэгаты глебаапрацоўчыя дыска выя і г. д.
Дзяніс Уладзіміравіч адзна чыў, што падрыхтавана тэхніка і для правядзення сяўбы, як прыклад – два камбінаваныя глебаапрацоўчыя пасяўныя агрэгаты, гатовыя ў любы момант рухацца ў пасяўны "бой".
Увогуле на палі таварыства гэтай вясной выйдзе звыш 40 адзінак тэхнікі і пасяўных агрэгатаў. І аднымі з першых гэта будуць самаходныя апырсквальнікі і машыны для ўнясення вадкіх мінеральных угнаенняў тыпу "Раса", бо неабходна будзе забяспечыць догляд за пасевамі, якія выйшлі з зімоўкі. Дарэчы, днямі на некаторых палетках, дзе гэта магчыма, пачалося раскідванне цвёрдых тукаў.
Узнали, готовы ли аграрии ОАО "Скабин" выходить в поле
