🎭 “Giyohvandlik — umr zavoli” shiori ostida sahna ko‘rinishlari bellashuvi o‘tkazildi
📌 Oʻzbekiston Respublikasi Prezidentining 2025-yil 3-noyabrdagi PF-207-son Farmoni 1-ilovasi bilan tasdiqlangan “Giyohvandlik va narkojinoyatlarning barvaqt oldini olish hamda ularga qarshi kurashish bo‘yicha 2025–2026-yillarga moʻljallangan kompleks Amaliy harakatlar milliy dasturi”ning 31.5-bandiga muvofiq, talabalar orasida giyohvandlik illatining oldini olish, sog‘lom turmush tarzini targ‘ib qilish hamda yoshlarning ijodiy salohiyatini qo‘llab-quvvatlash maqsadida sahna ko‘rinishlari bellashuvlari tashkil etilmoqda.
🏛 2026-yil 10-mart kuni Toshkent davlat tibbiyot universitetida “Talabalar teatr studiyalari” imkoniyatlaridan foydalangan holda oliy ta’lim muassasalari o‘rtasida
🎭 “Giyohvandlik — umr zavoli” shiori ostida sahna ko‘rinishlari bellashuvi o‘tkazildi.
👥 Bellashuvda quyidagi oliy ta’lim muassasalari talaba-yoshlari teatr jamoalari ishtirok etdi:
🔹 Oʻzbekiston Milliy universiteti
🔹 Toshkent davlat transport universiteti
🔹 Oʻzbekiston xalqaro islomshunoslik akademiyasi
✨ Tadbirni yuqori saviyada o‘tkazish uchun barcha tashkiliy ishlar va zarur shart-sharoitlar Ommaviy tadbirlarni tashkil etish va san’ati bo‘limi tomonidan puxta tashkil etildi.
🎬 Nizom talablariga muvofiq sahna ko‘rinishlari baholanib, Oʻzbekiston xalqaro islomshunoslik akademiyasi tomonidan Nasrullo Qobulning “To‘da” asari asosida sahnalashtirilgan “Adashganlar” spektakli keyingi bosqichga yo‘llanma oldi.
🏆 Tadbir yakunida yoshlarning ijodiy tashabbusi va faol ishtiroki e’tirof etilib, bellashuvda qatnashgan jamoalar universitet rektori tomonidan diplomlar bilan taqdirlandi.
Mazkur tadbir yoshlar o‘rtasida giyohvandlikning salbiy oqibatlarini targ‘ibot va sahna san’ati orqali yoritish hamda sog‘lom turmush tarzini keng targ‘ib qilishga xizmat qildi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
