Қишнинг аҳволига боқиб ҳойнаҳой, Юм-юм ёш тўкмоқда эриётган муз. Жилва қилаётир тенгсиз бир чирой, Демак баҳор келди келмоқда Наврўз! Она бағри каби илиқдир олам, Ҳарир-ҳовур ичра яйрар дала-тус. Қолди пучмоқларда хазон янглиғ ғам, Демак баҳор келди, келмоқда Наврўз! Яна кўнгиллардан рутубат кетди, Яна шуълалардан қамашмоқда кўз. Яна дилдорликнинг фурсати етди, Демак баҳор келди, келмоқда Наврўз!... ✍Aбдулла Орипов Каналимизга обуна бўлинг ва энг сўнгги янгиликларни кузатиб боринг Jizzaxnews |Тelegram | Facebook | Dzen | YouTubе