Рэспубліканскі праект «Кожная пятніца – роднае, сваё» па праве заслугоўвае ўвагі кожнага беларуса, бо за ім стаіць сапраўдная любоў да роднага і свайго. Сёння да акцыі далучылася крама «Алеся» ААТ «Рубін».
Крама «Алеся» прапануе пакупнікам вялікі выбар мэблі і тавараў беларускіх вытворцаў. Тут прадстаўлены канапы, ложкі, матрацы, шафы і іншае – усё ў разнастайных памерах і колерах, каб кожны мог падабраць ідэальны варыянт для свайго дома і пры гэтым ўкласціся ў даступны бюджэт.
У краме вы можаце выбраць гатовую кухню або замовіць яе пад індывідуальны памер і колер па вельмі даступнаму кошту.
Акрамя гэтага, тут прадаецца неабходны інвентар для саду і вулічная мэбля. Напрыклад, зручныя крэслы для вуліцы дапамогуць стварыць камфортную зону адпачынку на дачы ці ў двары.
«Акцыя «Кожная пятніца – роднае, сваё» праводзіцца раз на месяц. Уся мэбля ў краме – беларускай вытворчасці. Гэта гарантуе не толькі высокую якасць і даўгавечнасць вырабаў, але і адпавядае сучасным стандартам камфорту і дызайну. Персанал крамы з задавальненнем дапаможа выбраць менавіта тое, што падыдзе канкрэтна вам», – распавядае намеснік дырэктара па рознічным гандлі ААТ «Рубін» Ганна Куйсіс.
«Алеся» – выдатны выбар для тых, хто шануе якасць і хоча падтрымаць айчыннага вытворца.
Анжэла ЧАБАТАРОВА
Фота аўтара
Теги: общество Кожная пятніца – роднае сваё