"Башкортстан илебезнең оборона сәләтен ныгыту бурычларын үтәүдә актив катнаша...
Бүген Республика йортында Башкортстан Башлыгы Радий Хәбиров Үзәк хәрби округ гаскәрләре командующие вазыйфасын башкаручы, генерал-лейтенант Дмитрий Овчаров белән очрашты.
Радий Хәбиров генерал-лейтенантка республикага игътибары өчен рәхмәт белдерде һәм илнең суверенитетын яклаучы хәрбиләргә ярдәм итүнең мөһим дәүләт бурычы булуын билгеләп үтте.
- Башкортстан илебезнең оборона сәләтен ныгыту бурычларын үтәүдә актив катнаша, - дип билгеләп үтте республика Башлыгы. - Без сәнәгать предприятиеләребезне террорчылыктан саклау өлкәсендә дә шактый зур эш башкарабыз.
Дмитрий Овчаров Башкортстан идарә командасының хәрбиләрне барлык кирәк-ярак белән тәэмин итү буенча системалы эшен югары бәяләде һәм барлыкка килгән сорауларга оператив җавап бирүләре өчен рәхмәт белдерде.
- Бик күп гуманитар ярдәмне сез сугышчыларга, шул исәптән "Үзәк" гаскәрләре төркеменә, җиткердегез, - дип билгеләп үтте Үзәк хәрби округ гаскәрләре командующие вазыйфасын башкаручы. - Батырларча һәлак булган хәрбиләргә күрсәткән хөрмәтегез, демобилизацияләнгән егетләргә күрсәткән ярдәмегез өчен сезгә рәхмәт белдерәм. Бигрәк тә психологик ярдәм күрсәтү, киләчәктә эшкә урнашу планында. Беләм, сезнең республикада СВОда катнашучылар һәм ветераннар гаиләләре өчен үз ташламаларыгыз һәм башка ярдәм чаралары бар һәм алар игътибарга лаек.
Фото: Башкортстан Башлыгы