Адил-Янгъыюртдагъы «Бирлик» деген футбол команда 2026-нчы йылны «Къыбла Суперлигасында» ортакъчылыкъ этмеге гьазирлене. Янгы сезон март айны ахырында Ростов-на-Дону шагьарда башланажакъ.
«Бирлик» — алдына уллу муратлар салгъан ва регион даражада агьмиятлы уьстюнлюклеге етишген команда. 2023-нчю йылда клуб Милли футбол лиганы (НФЛ) Биринчи лигасында гюмюш медаллар къазангъан эди. Сонг да «Бирлик» Дагъыстанны 8х8 футболдан Чемпионатында да актив кюйде ортакъчылыкъ эте, шо буса оюнчуланы тактикасын ва бирлешип ойнавун камиллешдирмеге кёмек эте.
Команданы аслу оьзгечелиги — яш оюнчулагъа инамлыкъ этмек. Баш тренер Гюсен Исаев клуб яш пагьмуланы гьаракаты булан къурулгъанына ва олагъа оьзлени гёрсетмеге имканлыкъ берилегенине агьмият бере.
«
Бизин мурадыбыз — янгыз ортакъчылыкъ этмек тюгюл, алдынлы ерлер учун гьаракат этмек ва оьзюбюзню танытмакъ. Биз команданы гьалиден эсе яхшы даражада оюн гёрсетеген ва клуб булан бирге оьсмеге гьазир яш пагьмулагъа таянып къурабыз»,
— деп билдирди Гьюсен Исаев.
