13 подписчиков

🔺Toshkent davlat tibbiyot universitetiga biriktirilgan texnikumlarni qo‘llab-quvvatlash maqsadida, 1-son Respublika Abu Ali ibn Sino

5 марта5 мар

1 мин

nomidagi jamoat salomatligi texnikumi o‘qituvchilari uchun universitetning tegishli kafedralarida stajirovka tashkil etildi. 🔺Professional ta’lim muassasalari hamda oliy ta’lim muassasalari o‘rtasidagi hamkorlikni yanada mustahkamlash, shuningdek, pedagog kadrlarning kasbiy salohiyatini oshirish O‘zbekiston Respublikasi hukumatining ustuvor yo‘nalishlaridan biri hisoblanadi. Shu maqsadda O‘zbekiston Respublikasi Prezidentining 2024-yil 16-oktabrdagi PF–158-sonli Farmonining 4.3-bandida texnikumlarning rahbar va pedagog xodimlarini tegishli tashkilotlarda stajirovkadan o‘tkazish vazifasi belgilangan. Mazkur vazifalar ijrosini ta’minlash hamda O‘zbekiston Respublikasi Oliy ta’lim, fan va innovatsiyalar vazirligi huzuridagi Kasbiy ta’lim agentligiga qarashli Kasbiy ta’limni rivojlantirish institutining 2026-yil 5-yanvardagi 2-sonli buyrug‘i asosida amaliy ishlar olib borilmoqda. 🔺Shu doirada 1-son Respublika Abu Ali ibn Sino nomidagi jamoat salomatligi texnikumining maxsus fan o‘qituv

🔺Toshkent davlat tibbiyot universitetiga biriktirilgan texnikumlarni qo‘llab-quvvatlash maqsadida, 1-son Respublika Abu Ali ibn Sino nomidagi jamoat salomatligi texnikumi o‘qituvchilari uchun universitetning tegishli kafedralarida stajirovka tashkil etildi.

🔺Professional ta’lim muassasalari hamda oliy ta’lim muassasalari o‘rtasidagi hamkorlikni yanada mustahkamlash, shuningdek, pedagog kadrlarning kasbiy salohiyatini oshirish O‘zbekiston Respublikasi hukumatining ustuvor yo‘nalishlaridan biri hisoblanadi. Shu maqsadda O‘zbekiston Respublikasi Prezidentining 2024-yil 16-oktabrdagi PF–158-sonli Farmonining 4.3-bandida texnikumlarning rahbar va pedagog xodimlarini tegishli tashkilotlarda stajirovkadan o‘tkazish vazifasi belgilangan. Mazkur vazifalar ijrosini ta’minlash hamda O‘zbekiston Respublikasi Oliy ta’lim, fan va innovatsiyalar vazirligi huzuridagi Kasbiy ta’lim agentligiga qarashli Kasbiy ta’limni rivojlantirish institutining 2026-yil 5-yanvardagi 2-sonli buyrug‘i asosida amaliy ishlar olib borilmoqda.

🔺Shu doirada 1-son Respublika Abu Ali ibn Sino nomidagi jamoat salomatligi texnikumining maxsus fan o‘qituvchisi Abdusaidova Soxiba Xasan qizi 2026-yil 2-martdan 19-martga qadar 15 kun davomida Toshkent davlat tibbiyot universitetida stajirovka o‘tamoqda.

🔺Stajirovka jarayonida universitetning “Pedagogika va psixologiya”, “Akusherlik va ginekologiya”, “1-son umumiy va bolalar xirurgiyasi”, shuningdek “Anesteziologiya va reanimatologiya” kafedralarida o‘z bilim va amaliy ko‘nikmalarini yanada mustahkamlamoqda. Pedagog zamonaviy tibbiy ta’lim texnologiyalari hamda ilg‘or tajribalar bilan tanishib, ma’ruza va amaliy mashg‘ulotlarda faol ishtirok etib, kasbiy mahoratini oshirmoqda.

🔺Mazkur hamkorlik texnikumlarda ta’lim sifatini yanada oshirish, pedagoglarning kasbiy malakasini rivojlantirish hamda zamonaviy bilim va ko‘nikmalarga ega, raqobatbardosh mutaxassislarni tayyorlashga xizmat qiladi.

💠Rasmiy sahifalarimiz: