Норуот маастарын күнүгэр
ХАҤАЛАСТАР СЭЛЭЛИИ ХААМЫЫГА КЫТЫННЫЛАР
Бүгүн Дьокуускайга Саха Өрөспүүбүлүкэтигэр Норуот маастарын күнүнэн сэлэлии хаамыы онус төгүлүн буолла.
Саха сирин норуоттарын төрүт үгэстэрин үйэтитэр уонна сайыннарар сыаллаах-соруктаах тэрээһиҥҥэ сыллата кыттааччы ахсаана элбиир. Араас улуустартан талба талааннаах иистэнньэҥнэр анаан-минээн сыл устата бэлэмнэнэн, кэрэ-талба таҥас тиктэн кэлэн кыттар үтүө үгэстэннилэр.
Быйылгы Норуоттар сомоҕолоһууларын уонна Култуура сылларын бэлиэ хаамыытыгар Покровскайтан, Мохсоҕоллоохтон, Нөмүгү, Дьэр, Төхтүр, Өктөм, Тиит Арыы, 2-с Малдьаҕар нэһилиэктэриттэн барыта 40 киһи кыттан, чахчы да, норуот сомоҕолоһуутун көрдөрдүлэр диэн улууспут култуураҕа уонна духуобунай сайдыыга салалтата иһитиннэрдэ.
Көрүөхтэн эриэккэс сахалыы таҥастаах маастардар хаамыылара оһуохайынан түмүктэннэ.
Ольга Гермогенова.
Хаартыскалары Хаҥалас улууһун култуураҕа уонна духуобунай сайдыыга салалтата тиксэрдэ.
