#prussian_comics@prusiska_bila
#prūsiskai_kōmiksai@prusiska_bila
Dwāi bilettans, madli!
Geōrgs ast en skrāistaustju. Tāns bilāi sen gennan prēi kassin.
— Mazzi as tebbei pagalbtwei?
— As kwaitēi kāuptun bilettan prēi Barcelōnan.
— Kwēi ast twajāi wāraisjai?
— Etwinūjais men. As ni asma septinnjan mettan wāran.
— Kāigi wāran tū assei?
— As asma astōnjan mettan wāran.
— Bilettan prēi Barcelōnan kaštūja kettursimta dālerjans.
— Labbai... Kwēi mazzi as auskrāistwei per trisnadesimtin dālerjans?
Ēdwards, Geōrgas tāws, preibēga prēi kassin.
— Geōrge! Stwi assei! Kā tū segēi en skrāistaustju?
— As turri matemātikas ekzāmenan šandēinan. Mennei prawerru palāistun tāutan!
— Labbai. Kelli kaštūja bilettan?
— Kettursimta dālerjans.
— Kelli kaštūja dwāi biletāi?
— Astōnsimta dālerjans.
— Tikkrai! Tū assei izwanginewīngis en matemātikei! Teinū jēis prēi skūlin!
(Озвучку и перевод диалога смотрите в комментарии)
