#Munosabat
➡️YOSHLAR – MAMLAKAT TARAQQIYOTINING ASOSIY KUCHIDIR!
🔺Joriy yil 24-fevral kuni Ko‘ksaroy qarorgohida O‘zbekiston Respublikasi Prezidenti Shavkat Mirziyoyevning yoshlar bilan uchrashuvi nafaqat ijtimoiy tadbir, balki mamlakat taraqqiyotida yoshlar salohiyatini strategik ustuvor o‘rin sifatida belgilagan muhim voqea bo‘ldi.
🔹Uchrashuvda 60 mingdan ziyod yoshlar vakillari ishtirok etdi va davlat rahbari 22 milliondan ortiq yoshlarimizni ulkan iqtisodiy, ijtimoiy va siyosiy kuch sifatida ta’kidladi. Barqaror rivojlanish uchun barcha darajadagi rahbarlar oldiga qo‘yilgan vazifalar - yoshlarni til va kasb-hunarga o‘rgatish, sportga jalb qilish, g‘oya va startaplarini qo‘llab-quvvatlash, ularni ishli va daromadli qilish - mas’uliyatli va manzilli yondashuvni talab qiladi. “Birorta yigit-qiz e’tiborsiz qolmasligi kerak” degan tamoyil barcha darajada amaliy yo‘nalishga aylanishi zarur.
🔺Yoshlarimizning amaliy natijalari bunga yaqqol misoldir: xalqaro fan olimpiadalarda 66 ta oltin, 147 ta kumush va 221 ta bronza medal, 63 ta startapning xalqaro bozorga chiqishi, sportchilarning 720 ta oltin, 671 ta kumush va 854 ta bronza medalga ega bo‘lishi, tadbirkorlar tarkibida yoshlar ulushining 35 % ni tashkil qilishi yoshlar sadoqati va salohiyatining iqtisodiy - ijtimoiy barqarorlikka ijobiy ta’sirini ko‘rsatadi. Uchrashuvda e’lon qilingan yangi imkoniyatlar - moliyalashtirish paketlari, “Kelajak tadbirkori” dasturi, startap va inkubatorlar, xorijdagi tajriba va “spin-off” loyihalar, volontyorlik va ijtimoiy tashabbuslar - yoshlarning innovatsion fikr va amaliy qobiliyatini rivojlantirishga qaratilgan kompleks chora-tadbirlardir.
🔹Shu bilan birga, “Kitobxonlik madaniyatini rivojlantirish” jamg‘armasi orqali eng iste’dodli yozuvchilarga oyiga 20 mln so‘mdan ijodiy haq to‘lash, eng sara xorijiy adabiyotlarni o‘zbek tiliga, milliy adabiyotlarni xorijiy tillarga tarjima qilish xarajatining yarmini qoplash, eng yaxshi 100 ta asarni maktab va texnikumlarga yetkazish, faol o‘quvchilarni mukofotlash tizimi yo‘lga qo‘yilishi ma’lum qilindi. Kitob do‘konlari va “book cafe”larni ochib, oyiga 10 mingdan ortiq kitob sotgan tadbirkorlarga 3 yilga 1 mlrd so‘mgacha 7% li ssuda ajratish mexanizmi ham belgilandi. Shuningdek, “Ikkinchi imkon” loyihasi orqali jazoni ijro etish muassasalaridan qaytgan yoshlarni 8–12 oy davomida zamonaviy kasblar hamda xorijiy tillarga o‘qitish orqali daromadli ishga tayyorlash imkoniyati yaratildi.
🔺Shu jihatlar bilan uchrashuv va e’lon qilingan tashabbuslar shuni ko‘rsatadiki, yoshlar nafaqat kelajak, balki bugungi taraqqiyotning harakatlantiruvchi kuchidir. Ta’lim tashkilotlari, rahbarlar va mas’ullarning vazifasi - yoshlarning salohiyatini ro‘yobga chiqarish, imkoniyatlarini kengaytirish va ularni mamlakat taraqqiyotiga faol hissa qo‘shishga yo‘naltirishdir. Shu yo‘l bilan yoshlar o‘z orzulariga erishib, yangi O‘zbekistonning ijtimoiy, iqtisodiy va innovatsion rivojiga yorqin hissa qo‘shadi.
🔺Tibbiy-pedagogika va davolash fakulteti YoBIB dekan o‘rinbosari, Ijtimoiy fanlar, pedagogika va psixologiya kafedrasi dotsenti A.Xudayberdiyev.
Telegram | Facebook | Instagram | YouTube | X | Linkedin
