Бөгөн район Хакимиәтендә “Башҡортостан Республикаһы халыҡтары телдәре тураһында” законын тормошҡа ашырыу буйынса комиссия ултырышы үтте.
Бөгөн район Хакимиәтендә “Башҡортостан Республикаһы халыҡтары телдәре тураһында” законын тормошҡа ашырыу буйынса комиссия ултырышы үтте.
Балтас районы Хакимиәте башлығы урынбаҫары, комиссия рәйесе урынбаҫары И.А. Ғәсимйәнова рәйеслегендәге ултырышта комиссияның 2025 йылғы эш йомғаҡтары тикшерелде.
Инзилә Әҙип ҡыҙы урам атамаларын, күрһәткестәрҙе, аншлагтарҙы һәм башҡа мәғлүмәттәрҙе яҙыуда хаталарҙы асыҡлау буйынса эшмәкәрлек, шулай уҡ уларҙы бөтөрөү буйынса күрелгән саралар тураһында хәбәр итте.
Мәсьәләләр башлыса сауҙа һәм шәхси эшҡыуарҙар хеҙмәт күрһәтеү өлкәһендә ҡала. Был йүнәлештә эш дауам итә.
Билдәләп үтелгәнсә, яҙыуҙарҙағы хаталарҙы асыҡлау һәм төҙәтеү буйынса эшкә ҙур иғтибар бүленә. Комиссия даими рәүештә башҡорт телендә ҡуйылған сауҙа объекттары, ойошмалары һәм башҡа йәмәғәт биләмәләре атамалары тикшерә.
Комиссия ағзаһы, мәғариф бүлеге методисы Л. Р. Нуртдинованың доклады тыңланды.
Районда “Башҡортостан Республикаһы халыҡтары телдәре тураһында” законын тормошҡа ашырыу буйынса терминологик төркөм үҙ эшен алып бара. Уның төп бурысы – Башҡортостан Республикаһының ике дәүләт телендә - рус һәм башҡорт телдәрендә булырға тейешле бөтә яҙыуҙарҙы, ойошма, учреждение исемдәрен яраштырыу.
2025 йылда район комиссияһы предприятиеларҙың, учреждениеларҙың яҙыуҙарын дөрөҫ биҙәү буйынса күсмә тикшереүҙәр ойошторды, 2025 йыл башынан алып күп һанлы яҙыуҙар, урамдарҙың атамалары, ойошмалар ҡаралды һәм хаталарҙы бөтөрөү буйынса күрһәтмәләр яҙылды. Ойошмаларҙың хаталары башлыса эш режимын тәржемә иткәндә, предприятиеларҙың атамаларында, башҡорт алфавиты хәрефтәренең дөрөҫ яҙылмауында, башҡорт һәм рус телдәрендәге текстарҙың дөрөҫ урынлашмауында.
Рус теленән башҡорт теленә квалификациялы тәржемә итеү өсөн “БашПеревод” автоматлаштырылған мәғлүмәт системаһы тәғәйенләнгән.
Шул иҫәптән, яҙыуҙарҙағы хаталарҙы хәҙер Идара Итеү Үҙәге эшләгән чат-бот (https://t.me/bashnamebot) ярҙамында төҙәтергә мөмкин.
Комиссия ултырышы йомғаҡтары буйынса, Инзилә Әҙип ҡыҙы дәүләт телендә булган яҙыуҙарҙағы, иғландарҙағы, учреждение атамаларындағы хаталарҙы төҙәтеү мәсьәләһен тикшерергә, терминологик төркөм составын актуалләштерергә һәм уның ултырышын һәр кварталда үткәрергә ҡушты.