Сорбуланган сеткилимниң балыгларын
Докпак-биле улай-улай улдаан ышкаш,
Соп-ла чоруур күжүр чүрээм саргый бээрге,
Домак болган шүлүкчүгеш бодараан дег.
Сорбуланган сеткилимниң балыгларын
Докпак-биле улай-улай улдаан ышкаш,
Соп-ла чоруур күжүр чүрээм саргый бээрге,
Домак болган шүлүкчүгеш бодараан дег.
Чурумалдыг сесерликтиң чечээ ышкаш,
Чуртталганың чүзүн-баазын чараш өңүн
Шааң-биле алгап мактап ырлар чор дээн
Чагыг болуп шүлүкчүгеш чүгленген дег.
Чассып өскен авам ышкаш төрээн черим
Чаа-Хөлүм, Булуң-Терээм кыйгы сөзү,
Согун ышкаш, чүрээм өттүр кыйбаптарга,
Шорбажылаан одуруглар улашкан дег.
Мегечи бо өртемчейниң үүлези
Мээң нүүрүм өчүүң кайыл, сөгле дээнзиг,
Хайыра чок кадыг-шириин негей бээрге, Каш-ла сөстүг одуруглар чыскаалган дег.
07. 03. 26
#енданбс