➡️Talabalar uchun tarix saboqlari: muzeylarda o‘tkazilgan amaliy darslar.
🔺Toshkent davlat tibbiyot universiteti Ijtimoiy fanlar, pedagogika kafedrasi mudiri, professor Sh.Shoyimova rahbarligida “O‘zbekistonning eng yangi tarixi” fanining amaliy mashg‘ulot darslari mamlakatimiz tarixini o‘zida mujassam etgan qator muzey va yodgorlik majmualarida tashkil etildi.
🔺Amaliyot darslari O‘zbekiston Respublikasining Birinchi Prezidenti Islom Karimov nomidagi Ilmiy-ma’rifiy yodgorlik majmuasi, Temuriylar tarixi davlat muzeyi, Qatag‘on qurbonlari xotirasi davlat muzeyi, Olimpiya va paralimpiya shon-shuhrati muzeyi, O‘zbekiston Sog‘liqni saqlash hamda universitetning Tibbiyot muzeylarida o‘tkazildi.
💠Tarix fanini o‘qitishda muzeylar alohida ahamiyat kasb etadi. Muzey ekspozitsiyalari orqali talabalar tarixiy voqealarni nazariy emas, balki aniq dalil va ashyoviy manbalar asosida idrok etadilar, bu esa ularda tarixiy tafakkur va xolis yondashuvni shakllantiradi. Ayniqsa, tibbiyot muzeylari bo‘lajak shifokorlar uchun tibbiyot ilmining taraqqiyot bosqichlarini chuqur o‘rganish va kasbiy mas’uliyatni his etishda muhim ahamiyatga egadir.
🔺Mazkur tadbirlar muzey ekspozitsiyalari orqali bilim berish samarali va ta’sirchan usul ekanini yana bir bor tasdiqladi. Talabalar uchun tarix nafaqat o‘tmish sahifalari, balki kelajakni barpo etishda mustahkam tayanch ekani yanada ravshanlashdi.
🔺Mazkur darslar talabalarda mustaqillik davri tarixi, milliy davlatchilik asoslari va zamonaviy taraqqiyot jarayonlarini chuqur anglashga xizmat qildi.
🔹Amaliyot mashg‘ulotlarida tarix fani o‘qituvchilari, dotsent M. Tagayev, katta o‘qituvchilar G. Xaytmatova, Z. Sagatova va Э. Raxmonova faol ishtirok etdilar.
✅Rasmiy sahifalarimiz:
Telegram | Facebook | Instagram | YouTube | X | Linkedin
