ВАТАНДАШЛАНЫ ТЕРГЕВЮНЕ!
Дагъыстанда 4-нчю мартда сиреналар чалынажакъ ва телеэфир уьзюлежек.
Дагъыстанны МЧС-и регионну халкъгъа хабар берив системасын планлы кюйде тергев оьтгерилежеги гьакъда эсгере. 4-нчю мартда сагьат 10:40-дан 10:44-ге ерли савлай республикада сиреналар ва гючлю сес береген къуруллар ишлетилежек.
Ватандашлар ««ВНИМАНИЕ ВСЕМ!» деген сигналны эшитежеклер. Шо вакътиде аудио, сурат ва текст кюйде маълуматлар да берилежек. Тергев юрюлеген заманда теле- ва радиовещание де уьзюлежек.
МЧС билдирегенине гёре, гьич бир къоркъув ёкъ. Бу бары да ишлер — тергев учун этиле. Халкъдан паракъатлыкъны сакъламакъны ва гьеч бир чара этме герекмейгенни тилейлер.
Булай тергевлер хабар берив система гьаман гьазир болсун учун даим юрютюле. Гьакъыкъатда къоркъув тувса, система шоссагьат ишлемеге герек.
