Йəйəнəн уҡ атыу – таҫыллыҡ, теүәллек, түҙемлелек талап иткән халҡыбыҙҙың боронғо спорт төрҙәренең береһе

Йəйəнəн уҡ атыу – таҫыллыҡ, теүәллек, түҙемлелек талап иткән халҡыбыҙҙың боронғо спорт төрҙәренең береһе. Мәргәндәрҙең күңелендә батырлыҡ, ҡыйыулыҡ, сыҙамлыҡ, таҫыллыҡ кеүек күркәм сифаттар уятҡан, башҡорт халҡының тарихына, мәҙәниәтенә ҡыҙыҡһыныу тәрбиәләгән был спорт төрөнөң киң танылыу ала барыуы ҡыуаныслы. Республикала милли уҡ-һаҙаҡтан атыу йолаһын тергеҙеү, уҡыусыларҙың оҫталыҡтарын камиллаштырыу маҡсатында төрлө саралар ойошторолоп тора. 28 февраль Баймаҡ районы Мерәҫ ауылында ла йәш быуында был спорт төрөнә ҡарата ҡыҙыҡһыныу уятыу маҡсатында "Айыҡ ауыл-2025" республика конкурсы сиктəрендə милли йəйəнəн уҡ атыу район турниры ойошторолдо. Ярышта 4 категория булды: оҫта атыусы ир-егеттəр һəм ҡатын-ҡыҙҙар, яңы башлаусы уҡ ата башлаусы ир-егеттəр һəм ҡатын-ҡыҙҙар.

Оҫта атыусылар өсөн бөтəһе 3 сəп ҡуйылды: тереһыу, һыбайлы, аждаһа. Яңы башлаусы уҡсылар Урта Азия сəбенə атып үҙ оҫталыҡтарын самалап ҡаранылар.

Ярыш булғас еңеүселəре лə, еңелеүселəре лə була тигəн кеүек беҙҙең призлы урындарға килəһе уҡсыларыбыҙ сыҡты.

Оҫта атыусы ир-егеттəр:

1. Ғəлин Вəхит (Баймаҡ ҡалаһы);

2. ⁠Ҡолһарин Морат (Үрге Яйыҡбай ауылы);

3. ⁠Иҫәнбаев Нəил (Ниғəмəт ауылы).

Оҫта атыусы ҡатын-ҡыҙҙар:

1. Мырҙағəлина Фəнүзə (Түбəнге Яйыҡбай ауылы)

2. ⁠Ҡолһарина Гөлгенә (Үрге Яйыҡбай ауылы);

3. ⁠Рахманғолова Сәлимә (Мерəҫ ауылы).

Яңы уҡ ата башлаусы ир-егеттəр араһында

1. Хоҙайберҙин Булат (Мерəҫ ауылы);

2. ⁠Ямантаев Шәриф (Мерəҫ ауылы);

3. ⁠Хөсәйенов Шәриф (Темəс ауылы).

Яңы ата башлаусы ҡатын-ҡыҙҙар араһында:

1. Рахманғолова Ғәлиә (Баймаҡ ҡалаһы, Мерəҫ ауылы ейəнсəре);

2. ⁠Абушахмина Ғәлиә (Мерəҫ ауылы);

3. ⁠Ҡолһарина Уралиә (Үрге Яйыҡбай ауылы).

Уҡсыларға килəсəктə яңынан яңы еңеүҙəр яуларға һəм артабанда үҫешергə насип булһын!

Ғ.Рахманғолов.