🎂 У Гродне прайшлі «Казюкі». Акрамя тавараў ад рамеснікаў прадаваліся і сувеніры, вырабленыя зняволенымі
28 лютага на вуліцы Савецкай у Гродне прайшла традыцыйная кірмаш-выстава «Казюкі». Свята сабрала рамеснікаў з рэгіёна і іншых абласцей Беларусі, а таксама наведвальнікаў.
Сярод удзельнікаў — майстры з Зэльвенскага і Навагрудскага раённых цэнтраў культуры і народнай творчасці. Яны прывезлі саломапляценне, кераміку, вышываныя ручнікі, коўдры з гісторыяй, вырабы ў тэхніцы пэчворк і сувеніры.
На гандлёвых радах таксама былі аўтарскія прысмакі, мёд, гарбата і банкуха. Асартымент кірмашу ўключаў адзенне, мяккія цацкі, драўляны посуд, абразы, кошыкі і іншыя вырабы.
❗️🪃 Акрамя вырабаў незалежных майстроў, на кірмашы была прадстаўлена і прадукцыя Дэпартамента выканання пакаранняў. Hrodna.life звярнула ўвагу на тое, што ў публікацыях гродзенскіх выданняў з’явіліся фота і згадкі пра тавары з крамы «еДИН» — сеткі, дзе прадаюць прадукцыю, вырабленую ў месцах зняволення.
Раней крама з такімі таварамі адкрылася на вуліцы Урыцкага каля турмы, цяпер частку вырабаў выставілі ў цэнтры горада. На гандлёвай кропцы былі прадстаўлены мангалы, шампуры, нарды, гадзіннікі, кветніцы, лавы, печы пад казаны і іншыя вырабы. Паводле наяўнай інфармацыі, такую прадукцыю вырабляюць у папраўчых установах не толькі ў Гродне, але і ў Ваўкавыску, Івацэвічах і Гомелі.
Фота: «Гродненская правда» і «Вечерний Гродно».
Чытайце таксама:
Гродзенскія блогеры зноў рэкламуюць краму з таварамі зняволеных
