🐾 Хайуандарҙа ҡотороу ауырыуын иҫкәртеү тураһында — Башҡортостан Республикаһының Ветеринария буйынса дәүләт комитеты белгестәре.
Төбәктә йыл һайын ҡотороу сиренең 10-15 осрағы теркәлә. Эттәр, бесәйҙәр, төлкөләр, бүреләр, терпеләр һәм ярғанаттар хәүеф тыуҙыра. Инфекция тешләү йәки зарарланған тән тиреһенә һеләгәй эләгеүҙән барлыҡҡа килә.
Йорт хайуандарын һаҡлауҙың берҙән-бер ышаныслы ысулы – ваҡытында вакцина яһатыу һәм уларҙың тәртибен иғтибар менән күҙәтеү.
✅ Вакцинация
Бесәйҙәргә һәм эттәргә ҡотороу сиренә ҡаршы прививкалар бөтә дәүләт ветеринария клиникаларында бушлай яһала.
✅ Вакцинацияның схемаһы
Бесәй балаларына 8-9 аҙналыҡ сағында, артабан 10-28 көн үткәс прививка яһала. 12 аҙнанан һуң прививка ҡабатлап яһала.
Көсөктәрҙе 8-12 аҙналыҡ сағынан шул уҡ схема буйынса вакцинациялайҙар,
Прививкалар тарихы билдәһеҙ оло хайуандар вакцинацияланмаған тип иҫәпләнә – уларға 3-4 аҙна арауығында ике прививка яһайҙар.
✅ Вакцинацияға әҙерлек
❶ Ветеринар тикшереүе (прививканы ауырыу, хәлһеҙ, шулай уҡ быуаҙ инә хайуандарға яһамайҙар).
❷ Процедураға тиклем 10-14 көн алда гельминтарҙан таҙартыу (препаратты табип кәңәше буйынса һайлап).
❸ Процедура көнөндә майлы һәм ауыр аҙыҡ бирмәҫкә. Табипҡа барыр алдынан 2-3 сәғәт ашатмаҫҡа.
✅ Прививканан һуң ҡарау
Ике аҙна эсендә башҡа хайуандар менән (шул иҫәптән, урамда йөрөгән йорт хайуандары менән) бәйләнеште өҙөгөҙ. Оҙаҡ йөрөүҙән, һыу ҡойоноуҙан, стресстан һәм физик көсөргәнешлектән һаҡлағыҙ.
✅ Тешләнгәндә нимә эшләргә
Йорт хайуандарын тешләһәләр, ашығыс рәүештә ветеринарға мөрәжәғәт итегеҙ, бигерәк тә берәҙәк йәки ҡырағай хайуан һөжүм иткән булһа.
Вакцинация пункттары тураһында мәғлүмәтте райондың ветеринария хеҙмәтендә асыҡлағыҙ.
Ветеринария буйынса дәүләт комитетының Ҡыҙыу линияһы: 8 (800) 77 55 828
#Аңлатабыҙ_Башҡортостан #ОбъясняемРФ #ОбъясняемБашкортостан
