13 подписчиков

➡️ Zulfiya nomi bilan kirib kelgan bahor

28 февраля28 фев

2 мин

💠O‘zbekistonimizga har yili bahor nafaqat tabiat uyg‘onishi, balki qalblar uyg‘onishi bilan kirib keladi. Bu faslning ilk nafasi ko‘ngillarimizga she’riyat va nafosat timsoli — Zulfiyaxonim nomi bilan singadi. Uning satrlaridagi latofat, ona 🔺Vatanga muhabbat va ayol qalbining nozik tuyg‘ulari bugun ham dillarda jaranglaydi. Shoira qalamiga mansub she’rlar va ularga bastalangan qo‘shiqlar bahorning mayin shamoli yanglig‘ el orasida taraladi. 🔺Shoira tavalludi munosabati bilan ertalabdan poytaxtimizdagi Adiblar xiyoboni va O‘zbekiston Yozuvchilar uyushmasi atrofi gavjum bo‘ldi. Gulday ochilgan qizlar, ijod ahli, mehmonlar va adabiyot ixlosmandlari jam bo‘lib, Zulfiyaxonim xotirasiga ehtirom bajo keltirdilar. Bu maskanda yangragan she’rlar, dilbar kuylar va samimiy so‘zlar bir maqsadga — ma’naviyatni ulug‘lashga xizmat qildi. 🔺Talabalar qalbida yashayotgan nom Ayniqsa, Toshkent davlat tibbiyot universiteti jamoasi uchun bu sana alohida ahamiyat kasb etdi. Universitetda ta’sis etil

🔺Vatanga muhabbat va ayol qalbining nozik tuyg‘ulari bugun ham dillarda jaranglaydi. Shoira qalamiga mansub she’rlar va ularga bastalangan qo‘shiqlar bahorning mayin shamoli yanglig‘ el orasida taraladi.

🔺Shoira tavalludi munosabati bilan ertalabdan poytaxtimizdagi Adiblar xiyoboni va O‘zbekiston Yozuvchilar uyushmasi atrofi gavjum bo‘ldi. Gulday ochilgan qizlar, ijod ahli, mehmonlar va adabiyot ixlosmandlari jam bo‘lib, Zulfiyaxonim xotirasiga ehtirom bajo keltirdilar. Bu maskanda yangragan she’rlar, dilbar kuylar va samimiy so‘zlar bir maqsadga — ma’naviyatni ulug‘lashga xizmat qildi.

🔺Talabalar qalbida yashayotgan nom Ayniqsa, Toshkent davlat tibbiyot universiteti jamoasi uchun bu sana alohida ahamiyat kasb etdi. Universitetda ta’sis etilgan Zulfiya nomidagi maxsus stipendiya va ko‘krak nishoni bu yil 12 nafar iqtidorli talaba qizga topshirildi. Bu mukofot — nafaqat a’lo o‘qish, balki jamoat ishlaridagi faollik, ma’naviy yetuklik va ibratli xulqning e’tirofidir.

💐Zulfiyaxonim nomidagi stipendiya sohibalari bo‘lish — bu yuksak ishonch va mas’uliyatdir. Zero, shoira o‘z ijodi bilan ayolning jamiyatdagi o‘rni, uning fidoyiligi va jasoratini madh etgan. Bugungi talaba qizlar ana shu an’anani davom ettirib, ilm-fan yo‘lida, kelajak avlod salomatligi yo‘lida sobit qadam tashlamoqdalar.

🔺E’tirof va hamkorlik timsoli

Taqdirlanganlar orasida universitet bilan ko‘p yillardan buyon samarali hamkorlik qilib kelayotgan shoira Muhtarama Ulug‘ovaning borligi tadbirga yanada mazmun baxsh etdi. Uning ijodiy faoliyati, yoshlar tarbiyasiga qo‘shayotgan hissasi alohida e’tirof etildi. Bu esa adabiyot va tibbiyot, ma’naviyat va ilm uyg‘unligining yorqin namunasidir.

🌷Bahor — yangilanish va ilhom fasli

Zulfiyaxonim tavalludi munosabati bilan o‘tkazilgan ushbu ma’naviy-ma’rifiy tadbir yana bir bor shuni ko‘rsatdiki, she’riyat — millat qalbining tarjimoni. Bahor esa ana shu qalbni uyg‘otuvchi fasldir. Shoira nomi bilan bezangan stipendiya va ko‘krak nishonlari esa yosh avlodni yanada katta marralarga ruhlantiradi. Darhaqiqat, O‘zbekistonimizga bahor Zulfiyaxonimning nomi, satrlari va ezgu ruhiyati bilan kirib keladi. Uning ijodi esa qalblarda abadiy yashaydi.

Shafoat Beknazarova

Ommaviy tadbirlarni tashkil etish va san’at bo’limi

✅Rasmiy sahifalarimiz: