Сёння ў рамках рэспубліканскага праекта «Кожная пятніца – роднае, сваё» вучні малодшых класаў сярэдняй школы №5 дэгуставалі марожанае, якое выпускаецца на прадпрыемстве «Смаргонскія малочныя прадукты».
Вытворчасць марожанага ў Смаргоні наладжана каля 50 гадоў назад. Яно даспадобы мясцовым жыхарам і гасцям, дзецям і дарослым. Марожанае стала брэндам нашага горада, гэты дэсерт палюбілі за якасць, смак і натуральнасць.
Ацанілі марожанае і вучні 1-х, 2-х і 4-х класаў СШ №5. Работнікі прадпрыемства прапанавалі дзецям паспрабаваць пламбір і шакаладнае марожанае, тым самым зрабіўшы больш салодкім вучэбны працэс. Прыемным сюрпрызам стаў падарунак ад мядзведзяў – паветраны шар.
З дапамогай відэароліка рабяты таксама пазнаёміліся з малочнай прадукцыяй пад брэндам «MiLida», даведаліся пра прадукты, якія выпускаюцца смаргонскім прадпрыемствам.
Стэфанія, вучаніца 1 класа:
- Мне вельмі падабаецца смаргонскае марожанае, асабліва шакаладнае. Мы з мамай яго купляем кожную пятніцу і панядзелак. Нават зімой. Мама таксама набывае смаргонскія тварог, смятану, малако і кефір. З гэтых прадуктаў найбольш люблю смятану.
Аксана ГЕЙБОВІЧ
Фота аўтара
Теги: общество Кожная пятніца – роднае сваё