Арча районында бәйрәм көннәре күңелле вакыйгаларга бай булды✨
🎤 Концерт
Арча мәдәният йортында танылган җырчылар Зөлфия һәм Җәвит Шакировлар тулы зал алдында чыгыш ясады.
🏒 Хоккей легендалары белән очрашу
Боз сараенда спорт сөючеләр өчен үзенчәлекле чара узды: хоккей легендалары, спорт йолдызлары белән очрашу булды.
🥅 Дусларча матч
Аннары арчалар танылган хоккейчылар белән бозга чыгып көч сынашты. Безнекеләр сер бирмәде! Дөрес, матч 9:7 исәбе белән тәмамланды, әмма нинди командага каршы уйнаганнарын исәпкә алсаң, бу үзе үк зур уңыш!
Сүз уңаеннан, Арча командасы составында район башлыгы Алмаз Хисаметдинов та уйнады.
🌸 Авыл клубларында бәйрәм
Шушы көннәрдә авыл клубларында да хатын-кызларга багышланган бәйрәм чаралары гөрләде.
⛸ Пөшәңгәрдә – итекле хоккей
Пөшәңгәрдә хатын-кызлар арасында итекле хоккей ярышлары узган.
«Уйнап та карадык», – дип язган үзенең статусында Рания Галәветдинова.
📸 Фотолар: Арча боз сарае Телеграм-каналыннан һәм шәхси архивлардан.
