Өч туган СВОда батырлык күрсәтә
Махсус хәрби операциядә Салават районыннан өч туган катнаша. Өчесе дә сугыш барышында батырлык һәм каһарманлык күрсәткән! Якташлары Әфтаховлар белән хаклы рәвештә горурлана.
Әфтаховларның кечесе, Ахун авылында туып-үскән Булат Әфтахов, 2022 елның көзендә мобилизацияләнгән. Сугышчан заданиеләрне үтәгәндә ул батырлык күрсәткән. "За Отвагу", Жуков, "За боевые отличия", Шәйморатов медальләре белән бүләкләнгән.
Аның бертуган энесе Илмир Әфтахов, "Плотник" кушаматлы сугышчы, Батырлык ордены белән бүләкләнгән! СВОда ул 2024 елдан, контракт төзеп, үз теләге белән киткән. Сугышчан заданиеләрне үтәгәндә ике тапкыр яраланган, уң кулын югалткан.
Һәм, ниһаять, аларның икетуган энесе Вадим Әфтахов Малаяздан СВОга 2023 елда юллана, дүрт тапкыр яралана һәм дүрт тапкыр яңадан сафка кайта. Штурмовик, ә хәзер медвзвод сугышчысы, алгы сызыкта яралыларның гомерләрен коткара. Ике "Батырлык өчен", "СВОда катнашучы" һәм Жуков медальләре белән бүләкләнгән.
Фото: "Салават җирендә" сайты.