🔺“O‘zbekiston va Yaponiya o‘rtasida malakali tibbiy mutaxassislarini tayyorlash bo‘yicha hamkorlik” doirasida
1-son O‘zbek va xorijiy tillar kafedrasi hamda Akademik litsey va texnikumlarga metodik yordam ko‘rsatish bo‘limi, Farmatsiya, menejment, fundamintal tibbiyot, biotibbiyot muhandisligi va oliy hamshiralik ishi fakulteti tashabbusi bilan “Oliy hamshiralik ishi” yo‘nalishi talabalari, shuningdek, universitetga biriktirilgan Abu Ali ibn Sino nomidagi jamoat salomatligi texnikumlarining “Hamshiralik ishi” yo‘nalishi o‘quvchilari uchun xalqaro ilmiy-amaliy forum tashkil etildi. Mazkur forum tibbiyot sohasida xalqaro tajribani o‘rganish, ilmiy muloqotni rivojlantirish va yoshlarning kasbiy salohiyatini oshirishga qaratilgan muhim platforma bo‘lib xizmat qilаdi. Xalqaro hamkorlik doirasida hamshiralar uchun til va kasbiy tayyorgarlik tizimini yo‘lga qo‘yish rejalashtirilgan. O‘zbekistonda bo‘lajak mutaxassislar uchun yapon tilini o‘rganish, Yaponiya tibbiyot muassasalarida ishlashning o‘ziga xos jihatlari bilan tanishish imkonini beruvchi ixtisoslashtirilgan markazlar tashkil etilishi ko‘zda tutilmoqda. Bu esa yosh mutaxassislar uchun qo‘shimcha ish bilan ta’minlanish va kasbiy o‘sish imkoniyatlarini kengaytirish bilan birga, ikki mamlakat o‘rtasidagi gumanitar aloqalarni yanada mustahkamlashga xizmat qiladi.
💠Rasmiy sahifalarimiz:
Telegram | Facebook | Instagram | YouTube | X | LinkedIn
