БПЛА операторына уҡытыу бара
Өфөлә БПЛА ғәскәрҙәрен тулыландырырға теләүселәр өсөн уҡытыу башланды.Махсус хәрби операцияның сик һыҙығынан алыҫта хеҙмәт итергә тура киләсәген иҫәпкә алып, хеҙмәт итеүҙең ваҡыты һығылмалы график менән төҙөлә һәм хәүефһеҙлек кимәле юғары.
Башҡортостанда пилотһыҙ ғәскәрҙәргә ирекмәндәр йыйыу дауам итә. Илгә БПЛА операторҙары ғына түгел, юғары технологиялы дрондарҙы хеҙмәтләндерәсәк кешеләр ҙә кәрәк. Контрактҡа ҡул ҡуйырға һәм яңы хәрби подразделениелар сафын тулыландырырға теләүселәр өсөн Өфөлә уҡытыу ойошторолған. Компьютер уйындары менән мауығыу йәки геймер тәжрибәһе бында өҫтөнлөк тип ҡарала. Ә инде авиамодель йәки граждан дрондары менән идара итә белеүселәр булһа, бындай белгескә тәү сиратта өҫтөнлөк биреләсәк. Әммә дәғүәсенең махсус күнекмәләре булмаһа ла, теләге булһа, уны өйрәтергә әҙерҙәр.
- Яңылыҡтарҙа яңы ғәскәр төрөнөң барлыҡҡа килеүен күрҙем һәм Өфөгә барып, белергә булдым, - тип уртаҡлашты Дмитрий.
Дмитрий "Черемушки" шифаханаһы базаһында урынлашҡан "Защитник" үҙәгенә мөрәжәғәт итә. Контрактҡа ҡул ҡуйғандан һуң бында кандидаттар уҡырға китә. Программа бөтә төр дрондарҙы осороуҙы, ҡорамалдарҙы көйләүҙе, прошивкалауҙы һәм ентекле ремонтлауҙы, инженерлыҡ әҙерлеген һәм боеприпастар менән эшләүҙе үҙ эсенә ала.
- Уҡыу оҙаҡҡа һуҙыласаҡ, беҙгә барыһы ла ентекле аңлатыласаҡ, барыһы ла күрһәтеләсәк, һөйләнеләсәк. Тәүҙә, моғайын, беҙ быларҙың барыһын да компьютерҙа үтәсәкбеҙ – һәр хәлдә, быны өйрәтәсәктәр, - тип уртаҡлашты Данис.
Уҡыу йомғаҡтары буйынса хәрби-иҫәп һөнәрен алыу тураһында рәсми таныҡлыҡ биреләсәк. Әммә яңы хәрби подразделениеларға БПЛА операторҙары ғына түгел, шулай уҡ пилотһыҙ аппараттарҙы хеҙмәтләндереүсе һәм программалар яҙыусы белгестәр талап ителә.
- Ғәскәрҙәрҙең яңы төрҙәрендә техника талап ителә, шулай уҡ дөйөм алғанда ремонтлаусылар, программалар яҙыусылар һәм, әлбиттә, быларҙың барыһын да эшләтеп ебәреүселәр. Бөгөнгө көндә беҙҙә бер нисә талап бар. Бында, әлбиттә, өҫтөнлөк йәш буйынса ҡарағанда 18-ҙән 35 йәшкә тиклемгеләргә, улар беҙҙең дрон операторҙары булһа, 45 йәшкә тиклемгеләр техник өлөшкә, йәғни тәьмин итеүгә ҡаралған операторҙар, - тип белдерҙе Башҡортостан контракты буйынса хәрби хеҙмәткә һайлап алыу пункты офицеры Фәдис Солтанов.
Хәрби хеҙмәткәрҙәр пилотһыҙ ғәскәрҙәргә 2025 йылдың октябренән алына башланы. Контракт бер йылға төҙөлә, был ваҡыт үткәндән һуң запасҡа сығыу мөмкинлеге бар. Документта айырым билдәләнгәнсә, хәрби хеҙмәткәрҙе уның үҙенең иркенән тыш БПЛА менән идара итеү менән бәйле булмаған башҡа һөнәргә йәки ғәскәрҙәрҙең башҡа төрөнә күсереп булмай. Юғары уҡыу йорттарында уҡыусылар өсөн махсус шарттар ҡаралған. Пилотһыҙ ғәскәрҙәрҙә хеҙмәт итеү киләсәктә яңы мөмкинлектәр аса, ти "Защитник" үҙәге вәкилдәре.
- Хәрби хеҙмәтен тултырыусы операторҙар артабан граждандар өлкәһенә китә, төрлө өлкәгә эшкә урынлаша ала. Киләсәктә был уға файҙалы булыр, сөнки технологик прогресс беҙҙә бер урында тормай, - ти Фәдис Солтанов.
Граждандар өлкәһендә дрондарҙы нисек ҡулланырға мөмкинлеген Өфө радиоэлектроника колледжында яҡшы беләләр. Уҡыу йортонда дрондарҙы файҙаланыу буйынса буласаҡ белгестәр әҙерләнә. Студенттар транспорт, ауыл хужалығы, сәнәғәт, хәрби һәм башҡа сәнәғәт тармаҡтарында ҡулланылған БПЛА-ларҙың бөтә төрҙәре менән эшләү күнекмәләрен ала.
- Ғөмүмән, беҙҙең компетенцияның бик күп төрлө бурыстары бар. Беҙ БПЛА-ны төҙөгән материалдарҙы, схема техникаһын өйрәнәбеҙ, электроника менән тулыһынса шөғөлләнәбеҙ һәм аэродинамиканы, һауа ҡануниәтен өйрәнәбеҙ, - ти Өфө радиоэлектроника, телекоммуникациялар һәм хәүефһеҙлек колледжының 3-сө курс студенты Артем Сариев.
Өсөнсө курс студенттары пилотһыҙ системаларҙы үҙҙәре проектлай, һуңынан уларҙы йыя. Хәҙер уҡытыу системаһында яһалма интеллект әүҙем ҡулланыла. Дрондар ҡаршылыҡтарҙы урап үтергә һәм маршруттарҙы анализларға өйрәнә.
- Студенттарға дрондарҙы нисек дөрөҫ ҡулланырға, йәғни һорау бирергә һәм әҙер яуаптар алырға ғына түгел, ә уларҙы нимәнелер эшләү өсөн ярҙамсы инструмент булараҡ ҡулланырға өйрәтәбеҙ, тип уртаҡлашты Өфө радиоэлектроника, телекоммуникациялар һәм хәүефһеҙлек колледжы уҡытыусыһы Илнур Хөрмәтуллин.
Пилотһыҙ системаларҙы үҫтереү - дәүләт өсөн өҫтөнлөклө бурыстарҙың береһе. Әлбиттә, бөгөнгө көндә дрондарҙы ҡулланыуҙың төп маҡсаты – хәрби хеҙмәткәрҙәргә ярҙам итеү. Сөнки хәҙерге шарттарҙа хәрби бурыстарҙың күбеһе тап БПЛА ярҙамында хәл ителә. Алғы һыҙыҡтағы уңыш мускул көсөнән түгел, ә юғары технологиялы техниканы идара итеү оҫталығынан һәм аҡылдан тора.
Фото: "Башинформ"дан.
Беҙҙең МАХ каналына ҡушылығыҙ: https://max.ru/gazetabashkortostan