Кызыл Байракта “Әниемнең теле” чарасы узды

Бу көн безнең күпмилләтле илебез өчен аеруча мөһим – Россия һәр халыкның, аның санына карамастан, туган телен саклау һәм үстерү хокукын законнар белән тәэмин итә.

Кызыл Байракта бу көнне «Әниемнең теле» дигән гаилә чарасы узды. Чара илебез халыклары арасында милли бердәмлекне, тынычлыкны һәм татулыкны ныгыту максатында 2026 елның Россия халыклары бердәмлеге елы дип игълан ителүе турындагы әңгәмәдән башланды. Аннары килүчеләр 21 февральнең Халыкара туган тел көне булуын, бу бәйрәмнең тарихы, Россиянең дөньяның иң күптелле илләре рәтенә керүен белделәр. 270тән артык тел россиялеләр өчен туган тел булып тора, аларның һәрберсе уникаль һәм кабатланмас. Туган телнең нәрсә булуы һәм аның ни өчен шулай мөһим булуы турында сөйләштеләр. Туган тел - без балачактан ук үз тирәбездә һәрдаим ишетә торган тел ул. Туган тел һәр кеше өчен бик кадерле, аны белеп, кеше дөньяны танып белә башлый. Телне өйрәнү балаларны милли мәдәният рухында тәрбияләргә булыша.

Әңгәмә барышында Россиядә рус теленнән соң иң киң таралган туган тел татар теле икәнен белделәр. Һәр халыкның үз уникаль теле һәм мәдәнияте бар, ә барыбызны да бөек һәм куәтле рус теле берләштерә, ул төрле милләт кешеләренә бер-берсен аңларга һәм татулыкта яшәргә ярдәм итә.

Телгә сакчыл караш балачактан – сабыйның беренче сүзләреннән, әкиятләрдән, шигырьләрдән һәм җылы аралашудан башлана. Балалар кайбер сүзләрнең татар телендә ничек яңгыравын тыңладылар: исәнмесез, хәерле көн, сау бул, әни, әти, гаилә, Ватан, дуслык һәм аларны кабатлап карадылар. Рус һәм татар телләрендә шигырьләр укыдылар. Чарада бөек татар шагыйре Габдулла Тукай иҗатына аерым игътибар бирелде, балачактан туган телебез нәкъ менә аның исеме белән бәйләнеп бара. Балалар аның әкиятләре белән татар телендә дә, рус телендә дә бик теләп таныштылар. Балаларга һәм әниләргә шагыйрь Муса Җәлилнең балалар өчен язылган шигырьләре белән дә танышу кызыклы булды.

Кичә ахырында «Туган тел» җырын тыңладылар һәм нинди генә телдә сөйләшсәк тә Россия - күпмилләтле дәүләт, безнең уртак йортыбыз!