Кэтэһии Тыйыс маҕан хаар Саҥата суох дьиппиэнэ Уһун кыһыны сылатта. Дууһам кытта бөҕүөрэн, Тоҥмут этим-сииним Кэтэһэр - Чаҕыл күнүм сырдыгын, Сэргэхсийбит сирэй -харах Утары көрсөр мичээрин... Суохтаатым ача күөҕэ Тэлгэһэм устун хаамарбын. Хатыҥ чараҥ саҕатынан Кэрийэ наллаан сылдьарбын Олус да аҕынным! Чээлэй күөххэ сууланан Сүргэм өрө көтөҕүллэн, Бүччүм кэрэ көстүүлэригэр Бэйэбин көрдүү сатаан, «Аларбар» барыам этэ ... Кэтэһэр эбит сүрэҕим Сылгы чыычааҕа кэлэрин , Оҕуруотум устунан Тырыбыныы сүүрэн хаамарын. Уһун кыһыны ахтыбыппын Эргиһим дьоллоох биэрэгиттэн Сарсыардааҥҥы саһарҕаҕа Элиэнэ Эбэм күлүмүрдээн Үрүҥ көмүһэ дьиримниирин. Эниэ сыырын чэчиктэрэ Миигин дайа көтүтэн, Иэйиитигэр умсарбын - Дууһам олус кэтэһэр... Улар Моисеев. @Новости газеты «Хангалас»