➡️ OGOH BO‘LING, FIRIBGAR❗️
Bugun Toshkent davlat tibbiyot universitetida firibgarlikning oldini olishga bag‘ishlangan yirik targ‘ibot tadbiri bo‘lib o‘tdi.
🔺So‘nggi vaqtlarda zamonaviy texnologiyalardan foydalangan holda sodir etilayotgan firibgarlik jinoyatlari aholi, ayniqsa yoshlar va keksalar uchun jiddiy xavf tug‘dirmoqda. Shu munosabat bilan, “Adolat” SDP Siyosiy Kengashi, Adliya vazirligi, Ichki ishlar organlari hamda universitet hamkorligida maxsus aksiya tashkil etildi.
🔺 Tadbirning asosiy maqsadi:
Aholining huquqiy xabardorligini oshirish, firibgarlikning yangicha usullaridan himoyalanish va "raqamli gigiena" qoidalarini tushuntirish.
🔺 Ma’ruzachilar va muhim mavzular:
Abdukamol Raxmonov (“Adolat” SDP): Jamiyatda huquqiy madaniyatni shakllantirish va partiyaning ushbu yo‘nalishdagi tashabbuslari haqida to‘xtaldi.
🔹Toxir Palvanov (Oliy Majlis deputati): Firibgarlikka qarshi kurashda xalqaro tajriba va O‘zbekiston qonunchiligidagi javobgarlik masalalarini tahlil qildi.
🔹Sherzod Yarmatov (Olmazor tumani IIO FMB mayori): Aynan axborot texnologiyalari sohasidagi jinoyatlar, plastik kartalardan mablag‘larni o‘g‘irlash va soxta havolalar (fishing)dan saqlanish yo‘llarini amaliy misollar bilan ko‘rsatib berdi.
🔹Sayyora Amanova: Fuqarolarning huquqiy savodxonligi har qanday firibgarlikka qarshi eng kuchli qalqon ekanini ta’kidladi.
🔻Eslatma: Hech qachon begona shaxslarga SMS-kodni aytmang, shubhali havolalarga kirmang va shaxsiy ma’lumotlaringizni ishonilmagan saytlarga qoldirmang!
🔺Ushbu tadbir nafaqat talabalar, balki mahalla ahli uchun ham foydali muloqot maydoniga aylandi. Ishtirokchilar o‘zlarini qiziqtirgan savollarga mutaxassislardan javob oldilar.
✅Rasmiy sahifalarimiz:
Telegram | Facebook | Instagram | YouTube | X | Linkedin
