Татарстан Дәүләт Советының унсигезенче утырышы гражданнарның ташламалы категорияләре өчен мөһим яңалыклар китерде. Бюджет, салымнар һәм финанс комитеты рәисе урынбасары Камил Нугаев транспорт салымыннан азат итүнең яңа кагыйдәләрен аңлатты. Федераль закон нигезендә, салым түләүдән махсус хәрби операциядә катнашучылар һәм аларның гаилә әгъзалары, шулай ук хәрби хәрәкәтләр ветераннары азат ителә – алар өчен ташлама 2022 елның салым чорыннан гамәлдә. Советлар Союзы Геройлары, Россия Геройлары һәм өч дәрәҗә Дан ордены белән бүләкләнгән затлар 2026 елның салым чорыннан башлап азат ителәчәк. Ташлама салым түләүче сайлаган бер транспорт чарасына бирелә. Димәк, әгәр кешенең берничә машинасы булса, ул салым түләмәячәк берсен сайлый ала. Калган автомобильләргә, әгәр алар булса, гадәти тәртиптә салым салына. Бу ташламага хокук хәзер Россия Салым кодексы белән гарантияләнгәнлектән, төбәк канунына төзәтмәләр кертү кирәк. Буталчыклыкны һәм икеләтә җайга салуны булдырмас өчен аннан кабатланучы нормал