Напярэдадні Міжнароднага дня роднай мовы, які штогод адзначаецца 21 лютага, жаночая палова калектыву Смаргонскага раённага выканаўчага камітэта далучылася да патрыятычнай акцыі і напісала дыктант на беларускай мове. Мерапрыемства было прымеркавана таксама да Года беларускай жанчыны.
Тэкст дыктанта быў прысвечаны жыццю і творчасці легендарнай актрысы тэатра і кіно, Народнай артысткі Беларусі і Народнай артысткі СССР Галіны Макаравай. У творы згадваўся яе жыццёвы і прафесійны шлях.
Адзначалася, што гледачы маглі бачыць Галіну Макараву на сцэне ў стварэнні каларытных, яркіх і самабытных народных характараў. Яе талент як глыбока нацыянальнай актрысы найбольш поўна раскрыўся менавіта ў беларускім рэпертуары.
Шырокаму колу гледачоў яна вядомая і па кінастужках «Белыя росы», «Альпійская балада» і многіх іншых.
Тэкст дыктанта зачытвала метадыст раённага метадычнага кабінета Таццяна Новікава.
Каментуючы вынікі, яна адзначыла, што праца была не вельміскладанай і разлічана на ўзровень ведаў выпускнікоў 11-га класа сярэдняй школы.
Фота аўтара
Теги: общество райисполком год белорусской женщины