🔮Астролог Юлия ИДРИСОВА: «2026 — өй төзергә, гаилә корырга, яңа проектлар башларга бик яхшы ел»✨🤩
Тормышта үз урынына таба алмаганда кемнәрдер астрологка мөрәҗәгать итә. Алар кешегә ничек ярдәм итә ала? Туган көне кешегә ничек тәэсир итә? Астролог Юлия ИДРИСОВА белән шул хакта сөйләштек.
— Астрологиягә ничек килдең?
— 1,5 ел элек йога инструкторы курсын уздым. Экзамен бирергә Мәскәүгә баргач, астролог дус кызым «әйдә, натальный картаңны ясап карыйбыз» дип әйтте. Сүз уңаеннан, гаиләдә аңлашылмау килеп чыккан, нинди юлны, нәрсә сайларга белмичә икеләнеп йөргән вакытым иде. Ул сөйләгәннәрне тыңладым да, бу картаның мине 100 процент дөрес яктан ачканын аңладым. Ярдәме тиде. Шуннан соң, астрология белән кызыксына башладым. Башта үзлектән өйрәндем, аннары шушы юнәлеш буенча укыдым.
