"Көнләшеүсенең яман ғәмәленән Аллаһҡа һыйынам"
Таң менән ниндәй һүҙҙәр әйткән ҡатынға Аллаһ Тәғәлә бәхет бүләк иткән?
Бигүк еңел булмаған шарттарҙа йәшәгән ҡатын һәр таңды шөкөр итеүҙән башлай, ти:
– Бәхетлемен, Хоҙайым! Барыһына шөкөр итәм. Ҡайһы ваҡыт боларып алһа ла, ирем бар, бәләкәй, әммә уңайлы өйҙә йәшәйбеҙ. Эш булмаһа ла, үҙ шөғөлөмдән аҡса килеп тора. Балаларым һау-сәләмәт: йүгерә лә һикерә...
Аллаһ Тәғәлә барыһын да ишеткән һәм уға:
– Бәхеттең нимә икәнен белмәйһең икән, – тигән. – Мә, уны ысынлап той!
Шөкөр итеп йәшәргә өйрәнәйек, шул сағында Аллаһ Тәғәләнең сауабы насип булыр, иншаллаһ. Ураҙаларыбыҙ ҡабул ҡылынһын.
"Таң" ("Әл-Фәләҡ") сүрәһен тәҡдим итәбеҙ:
Бисми-лләһи-ррәхмани-ррәхим!
1. Ҡуль әғүүҙү бираббил-фәләҡ.
2.Миң шәрри мәә халәҡ
3.Үә миң шәрри ғаасиҡин иҙәә үәҡаб
4.Үә миң шәррин-нәффәәҫәәти фил-ғүкәд
5. Үә миң шәрри хәәсидин иҙәә хәсәд
Мәғәнәһе:
Бисми-лләһи-ррәхмани-ррәхим!
- Әйт: «Таң Раббыһы Аллаһыға һыйынамын,
- яралтылған нәмәләрҙең яуызлығынан,
- һәм донъяны ҡараңғы ҡаплап алған ваҡыт яуызлығынан,
- һәм төйөндәргә өрөүселәрҙең яуызлығынан,
- һәм көнләшеүсе кешенең көнләшеп ғәмәл ҡылыуынан Аллаһыға һыйынам».
Айрат Нурмөхәмәтов фотоһы.
Беҙҙең МАХ каналына ҡушылығыҙ: max.ru/gazetabash...