АҚШнинг Гулф компанияси икки йил ичида Ўзбекистонда 100 та “заправка” очади
Бу ҳақда компания витсе-президенти Крейг Крамер маълум қилди.
Унга кўра, компания Ўзбекистонда қуйидаги йўналишларда сармоя киритади:
- ғарб стандартларига жавоб берадиган камида 100 та ёнилғи қуйиш шохобчасини ишга тушириш учун камида 150 млн доллар инвестиция киритилади;
- магистрал йўллар бўйлаб сайёҳлар ва транзит ташувчилар учун транспорт марказларини ташкил этиш режалаштирилмоқда;
- ушбу лойиҳалар ҳар бир обектда камида 30 та янги иш ўрни яратиш имконини беради. Умумий ҳисобда Ўзбекистон фуқаролари учун 3 мингдан ортиқ янги иш ўринлари яратилади;
- шунингдек, компания авиация тармоғини хавфсиз ва барқарор ёнилғи билан таъминлаш учун тахминан 50 млн доллар сармоя йўналтиради;
- компаниянинг Марказий Осиёдаги операцион базасини Тошкентда жойлаштириш режалаштирилган.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
