Жиззах вилоятида фаолият юритаётган тадбиркорлар учун Божхона қўмитаси Раиси ўринбосари О.Ибрагимов иштирокида очиқ мулоқот ташкил этилди.
Зомин технопаркида ташкил этилган учрашувда вилоятда божхона ҳудудида қайта ишлаш фаолиятини амалга ошираётган тадбиркорлар, экспортёр-импортёр корхоналар вакиллари ҳамда декларантлар иштирок этишди.
Йиғилганларга “Божхона ҳудудида қайта ишлаш” режими доирасида товарларни божхона тўловларисиз ёки имтиёзли шартларда олиб кириш, уларни қайта ишлаш ва белгиланган тартибда экспорт қилиш имкониятлари амалий мисоллар билан тушунтирилди. Жумладан, рухсатноманинг амал қилиш муддати, миқдорий чекловлар, чиқиш нормалари, қайта ишлаш операцияларини амалга ошириш манзиллари ҳамда ташқи савдо шартномалари доирасида фаолият юритиш талаблари юзасидан тавсиялар билдирилди.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
