🔺Yangiyer Abu Ali ibn Sino nomidagi Jamoat salomatligi texnikumida navbatdagi amaliy uchrashuv tashkil etildi
🔺Toshkent davlat tibbiyot universiteti “Ichki kasalliklar” kafedrasi xodimlari: kafedrasi mudiri, dotsent CH.A.Abdullayeva, dosentlar D.D.Buranova, J.B.Irisov katta o‘qituvchi G.A.Zakirova, assistentlar M.U.Zahidova, M.S. Islamova, D.F.Baxranova, X.N.Shavkatxujayevlar Yangiyer Abu Ali ibn Sino nomidagi Jamoat salomatligi texnikumiga tashrif buyurishdi.
🔺 Tashrif doirasida texnikumda faoliyat olib borayotgan tibbiyot xodimlari va o'quvchilar uchun “Kasbiy ta’limda malakali kadrlar tayyorlash, xalqaro ta’lim dasturini joriy qilish” mavzusida seminar-trening va mahorat darsi o'tkazildi. Ushbu mashg‘ulotlar tinglovchilarning kasbiy kompetensiyalarini kengaytirish, amaliy ko‘nikmalarini mustahkamlash hamda nazariy bilimlarini chuqurlashtirishga qaratilgan bo‘lib, ishtirokchilar tomonidan yuqori baholandi.
🔺 Shuningdek, texnikum o‘qituvchilari va talabalari bilan ichki kasalliklar fani bo‘yicha ochiq muloqot tashkil etilib, fan doirasida nazariy bilimlarni amaliyot bilan uyg‘unlashtirish, klinik fikrlashni rivojlantirish bo‘yicha muhim tavsiyalar berildi.
🔺Uchrashuv davomida texnikumda yaratilgan o‘quv shart-sharoitlari, o‘quv dasturlari bilan yaqindan tanishilib, ularni yanada takomillashtirish, talabalarning bilim va amaliy ko‘nikmalarini oshirish bo‘yicha hamkorlik masalalari muhokama qilindi.
🔺Uchrashuv yakunida tomonlar o‘rtasida o‘zaro hamkorlikni kengaytirish, tajriba almashish, ilmiy-uslubiy aloqalarni rivojlantirish hamda talabalarga sifatli va zamonaviy ta’lim berishni ta’minlash bo‘yicha kelishib olindi.
💠Rasmiy sahifalarimiz:
Telegram | Facebook | Instagram | YouTube | X | LinkedIn
