Тәндең зәкәте – ураҙа тотоуҙыр (ибн Мәжжә) / 1
-Рамаҙан айында ураҙа тотоу 2 һижри йылында (Шәғбән айының 10-сы көнө, 624 йылда) фарыҙ ҡылынған: “Әй мөьминдәр! Һеҙҙән алда йәшәүселәргә ураҙа тотоу фарыҙ ителгән кеүек, һеҙгә лә һәр йыл бер ай ураҙа тотоу фарыҙ ителде, моғайын, ураҙаны ҡалдырыуҙан йәки ураҙаға кәмселек килтереүҙән һаҡланырһығыҙ” (2:183; Бүхари; Мүслим).
-Йәннәттә “Раййән” исемле ишек бар. Ул ишектән Ҡыйәмәт көнө ураҙа тотоусылар ғына инер (Бүхари; Мүслим; Тирмиҙи; Нәсәи; ибн Мәжжә; Әхмәд).
Ураҙа тоторға тейешле, бурыслы (фарҙ-обязательно) булған кешеләр:
1) Үҙен мосолманмын тип һанаусы.
2) Психик яҡтан һау кеше.
3) Бәлиғ йәшенә етеүсе.
4) Сәфәрҙә булмаусы.
Ураҙаның дөрөҫ булыуы өсөн үтәлергә тейешле шарттар:
1) Ниәт итеү (теләгән телдә әйтеү рөхсәт).
Иғтибар (!) Ниәттең дөрөҫ булыуы шарт (Бүхари; Мүслим), йәғни “Ас тороп, бер аҙ ябығырмын, һауығырмын һ.б.” ниәт менән тотһа, Аллаһ әжер-сауабын насип итмәй (Ибн Мәжжә; Әхмәд; Хәким).
2) Ураҙа тотоуҙың ваҡытын белеү.
3) Ураҙаны боҙған эштәрҙән таңдан алып ҡояш байығанса тыйылып тороу.
Ә. Ноғоманова-Ғәзизова Сибай “Тәҡүә” мәсете мөғәллимәһе әҙерләне