Ватанны саклаучылар көне алдыннан Штәнде урта мәктәбе укучылары махсус хәрби операция герое Шамил Сафин белән очрашты. Бәйрәм алдыннан үткәрелгән бу рухландыручы чара яшь буынны Ватанга мәхәббәт, батырлык һәм горурлык хисләре белән тәрбияләүгә юнәлдерелде.
Ватанны саклаучылар көне алдыннан Штәнде урта мәктәбе укучылары махсус хәрби операция герое Шамил Сафин белән очрашты. Бәйрәм алдыннан үткәрелгән бу рухландыручы чара яшь буынны Ватанга мәхәббәт, батырлык һәм горурлык хисләре белән тәрбияләүгә юнәлдерелде.
Директорның тәрбия буенча киңәшчесе Лилия Асрарова тарафыннан оештырылган чарада хәрби хәрәкәтләр ветераны Шамил Шакир улы алгы сызыкта хезмәт итүнең үзенчәлекләре, ватанпәрвәрлекнең әһәмияте турындагы фикерләре, шәхси тарихлары белән уртаклашты.
Ул үзе белән бергә язмыш сынаулары аша үткән, Ватан сагында батырларча көрәшкән иптәшләре турында, аларның гамәлләрен искә алды. Бу сөйләүләр, искиткеч батырлык һәм тугрылык үрнәкләре буларак, тыңлаучыларны тирән хисләргә “чумдырды”.
Шунысы аерым игътибарга лаек, Шамил Сафин махсус хәрби операция барышында якташларыбызның бердәмлеге һәм алар күрсәткән ярдәмнең зур әһәмияткә ия булуын билгеләп үтте. Бу фикер, авыр сынаулар чорында бергә булуның, бер-береңне яклауның ни дәрәҗәдә мөһимлеген аңлатырга ярдәм итте.
Чара ахырында укучылар Шамил Сафинның батырлыгына һәм фидакарьлегенә соклануларын белдереп, аңа рәхмәт сүзләре җиткерделәр. Мәктәп директоры Ирина Нуртдинова Ватанны саклаучылар көне уңаеннан батыр райондашыбызга ихлас котлауларын юллады.
Биредәге очрашу, һичшиксез, Штәнде мәктәбенең укучылары өчен тирән мәгънәгә ия. Батырлык, нтугрылык һәм Ватанга мәхәббәт турында гыйбрәтле дәрес булды.