Ўзбекистоннинг яна 7 та маданий мерос объекти ISESKO рўйхатига киритилди
9-13 февраль кунлари Ўзбекистонда бўлиб ўтган «Ислом олами маданий мероси бўйича қўмитанинг 13-сессияси»нинг якуний хулосалари маълум қилинди.
Унга кўра, Ўзбекистон томонидан тақдим этилган 9 та номзоддан 7 таси маъқулланиб, ISESKOнинг Моддий ва номоддий маданий мерос объектларининг бошланғич рўйхатига киритилди.
Рўйхатга 4 та номоддий маданий мерос намунаси:
- ёғоч ўймакорлиги санъати;
- миниатюра санъати;
- хаттотлик санъати;
- китобат ва таҳзиб санъати.
Шунингдек, 3 та моддий маданий мерос объекти:
- Қадимий Термиз мажмуаси,
- Шаҳрисабз тарихий-мажмуаси,
- Миздаҳкан тарихий-мажмуаси киритилди.
Маълумот учун, бугунги кунга қадар Ўзбекистон Республикасининг 19 та моддий ва номоддий маданий мерос объектлари ISESKOнинг Моддий ва номоддий маданий мероси рўйхатига киритилган.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | YouTubе
