Улар – Шамонин шайморатовсылары!
Өфө районы Шамонин урта мәктәбенең IХ “Б” класы - шайморатовсылар - уҡыуҙа яҡшы һөҙөмтәләргә өлгәшергә тырыша, олимпиадаларҙа, ижади һәм фәнни конкурстарҙа, хәрби-спорт ярыштарында призлы урындар яулай, йәмәғәт ойошмалары һәм ирекмәндәр хәрәкәттәре эшмәкәрлегендә ҡатнашырға тырыша. Тулыраҡ - сайтта:
Генерал Миңлеғәле Шайморатовтың яҙмышы һоҡландырғыс һәм ғәжәпләндергес. Башҡортостаныбыҙ өсөн ғорурлана һәм уларға тиңләшеп ҡарарлыҡ геройҙарыбыҙ булыуы – үҙе ҙур бәхет. Йәш шайморатовсылар кластары хәрби тарихыбыҙҙы өйрәнергә теләгән балаларҙы берләштерә, республикабыҙҙың, ҙур илебеҙҙең ысын илһөйәре булырға теләй.
Йәш шайморатовсы булыу – ҙур яуаплылыҡ. Яҡшы уҡырға, спорт яратырға, өҫтәмә белем алырға һәм, әлбиттә, илһөйәр булырға кәрәк. Әйткәндәй, "Шайморатов" кластарын тәүге тапҡыр 2020 йылдың көҙөндә Өфөләге 44-се һәм 162-се полилингваль күп профилле мәктәптәрҙә, шулай уҡ Р. Ғарипов исемендәге Башҡорт республика гимназияһында булдырҙылар. Артабан ошо тәжрибә тотош республикаға таралды.
“Башҡортостан” республика ижтимағи-сәйәси һәм мәҙәни гәзитенең “Бәйләнештә” төркөмөндә 23 февраль – Ватанды һаҡлаусылар көнө уңайынан “Илһөйәрлек – ҡанымда” тип аталған конкурс бара. Унда ҡатнашҡан Өфө районының Шамонин урта мәктәбенән IХ “Б” класы – шайморатовсылар – 2022 йылдың 11 октябрендә баш ҡалабыҙҙа 112-се Башҡорт кавалерия дивизияһының легендар командиры, Рәсәй Геройы, генерал Миңлеғәле Шайморатовҡа һәйкәл асыу сараһында булды. Ошо уҡ йылда улар класс етәкселәре Дилә Ринат ҡыҙы Миңлейәрова менән беренсе тапҡыр Шайморатовсылар уйындарында үҙ көсөн һынаны. Шуныһы үҙенсәлекле: улар Шамонин урта мәктәбендә беренсе булып асылған Шайморатов класында белем ала.
Былтыр декабрҙә Өфө районының Шамонин урта мәктәбенең 9 “б” класы уҡыусылары – Камилла Зәйнетдинова, Айгүзәл Миңлейәрова, Ынйы Шөғөрова, Алһыу Дәүләтшина, Малик Миңлейәров, Әмерхан Вилданов, Бәхтейәр Иштанов һәм Камил Йәнтурин баш ҡалабыҙҙа икенсе тапҡыр үткәрелгән “Йәш шайморатовсылар” балында ҡатнашты. Ғөмүмән, Шамонин шайморатовсылары уҡыуҙа яҡшы һөҙөмтәләргә өлгәшергә тырыша, олимпиадаларҙа, ижади һәм фәнни конкурстарҙа, хәрби-спорт ярыштарында призлы урындар яулай, йәмәғәт ойошмалары һәм ирекмәндәр хәрәкәттәре эшмәкәрлегендә ҡатнашырға тырыша.
Ҡәҙерле дуҫтар, Өфө районының Шамонин урта мәктәбенән IХ “Б” класы – шайморатовсылар – өсөн vk.com/app7198399_-10496550... һылтанмаһы буйынса тауыш бирһәгеҙ, байрам айҡанлы комментарийҙарҙа изге теләктәрегеҙҙе юллаһағыҙ ине.
Беҙҙең МАХ каналына https://max.ru/gazetabashkortostan ҡушылығыҙ!
