🔺 Toshkent davlat tibbiyot universiteti Talabalar turar joyida o‘rganish ishlari amalga oshirildi
➡️Oila va xotin-qizlar qo‘mitasi ishchi guruhi topshirig‘iga muvofiq, Olmazor tumani hokimining xotin-qizlar masalalari bo‘yicha hokim o‘rinbosari tomonidan Toshkent davlat tibbiyot universiteti Talabalar turar joyida o‘rganish ishlari amalga oshirildi.
🔹Tashrif davomida 5-Talabalar turar joyida istiqomat qilayotgan talaba-qizlar uchun yaratilgan yashash sharoitlari, xonalar holati, sanitariya-gigiyena talablariga rioya etilishi, xavfsizlik choralarining ta’minlanishi hamda ichki tartib-qoidalarga amal qilinishi atroflicha ko‘zdan kechirildi.
🔺Shuningdek, talaba-qizlarning bo‘sh vaqtini mazmunli va samarali tashkil etish maqsadida tashkil etilgan to‘garaklar faoliyati bilan yaqindan tanishildi. Jumladan, “Ona-bola” (bolajonlar uchun mo‘ljallangan xona), tikuvchilik, pazandachilik, rassomchilik hamda boshqa ijodiy va amaliy yo‘nalishdagi to‘garaklar faoliyati o‘rganildi. Mazkur to‘garaklar talaba qizlarning ijtimoiy faolligini oshirish, ularning iqtidor va qobiliyatlarini yuzaga chiqarish, kasbiy hamda ijodiy ko‘nikmalarini rivojlantirishga xizmat qilayotgani alohida e’tirof etildi.
✈️O‘rganish jarayonida talaba qizlar bilan ochiq muloqot o‘tkazilib, ularning taklif va mulohazalari tinglandi. Aniqlangan masalalar yuzasidan mas’ullarga tegishli tavsiyalar berilib, kelgusida amalga oshiriladigan chora-tadbirlar belgilab olindi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
