⚡️ «Туым Жондозы-2026» фестиваленең Гран-при җиңүчеләре билгеле булды!
🙌Бүген, Казанның «Созвездие - Йолдызлык» театрында керәшен җыруларын яшь башкаручыларның республикакүләм «Туым жондозы-Рождественская звезда-2026» конкурс-фестиваленең Гала-концерты булды.
Конкурста Казан һәм Чаллы шәһәрләреннән, республиканың Алабуга, Биектау, Зәй, Кайбыч, Кукмара, Мамадыш, Менделеевск, Тукай, Түбән Кама районнарыннан, күрше Башкортстанның Бакалы районыннан конкурсның сайлап алу турларын узган 7-35 яшьләрдәге кызлар, егетләр катнашты. Гала-концертта катнашу өчен барлыгы 20 гә якын финалистны сайлап алдылар.
❗️Финалистлар «Туым жондозы-Рождественская звезда-2026» конкурс-фестиваленең ике Гран-при бүләге өчен көч сынаштылар. Аны солистлар һәм фольклор коллективлар арасында билгеләделәр.
⚡️🥇Керәшен җыруларын башкаручы солистлар арасында Гран-при бүләгенә АДЕЛЯ ИШАЛИНА ия булды, ә фольклор коллективлар арасында Түбән Камадан «ҖИЗ КЫҢГЫРАУ» ансамбле лаек дип табылды. Иң яхшы солистка – 50 мең, ә коллективка 100 мең сумлык акчалата бүләк, Диплом һәм кубок тапшырдылар👏
