➡️Toshkent davlat tibbiyot universitetida Bobur tavalludi nishonlandi
🔺Toshkent davlat tibbiyot universitetining 2-Pediatriya fakulteti talabalari — 106-A, 106-B, 107-A, 109-A, FT 101-A, FT 101-B hamda FT 102-A guruhlari va Po’latova Muhabbat Abdurahmonjonovna tomonidan buyuk shoh va shoir Zahiriddin Muhammad Bobur tavalludining 543 yilligi munosabati bilan tantanali tadbir tashkil etildi. Tadbirni 2-Pediatriya fakultet dekani Ashurova D.T. kirish so'zi bilan ochildi. Ustozlar, tyutorlar va talabalar qatnashdilar.
🔺“Zahiriddin Muhammad Bobur: Tabobat va tafakkur uyg‘unligi” nomi ostida o‘tkazilgan mazkur tadbir ko‘tarinki ruhda bo‘lib o‘tdi hamda talabalarda milliy qadriyatlarimiz va tarixiy merosimizga bo‘lgan qiziqishni yanada oshirdi.
🔹Tadbirning yorqin lahzalari:
🔹“Boburnoma” asarida keltirilgan shifobaxsh giyohlarning inson salomatligiga foydasi haqidagi ma’lumotlar talabalar tomonidan tahlil qilindi.
🔹Bobur Mirzoning vatan sog‘inchi bilan yo‘g‘rilgan ruboiylari ijro etildi.
🔹“Boburnoma” bilimdonlari o‘rtasida viktorina o‘tkazilib, tadbirga yanada jo‘shqinlik bag‘ishladi.
🔹“Ota mehri” spektakli orqali Boburning farzandiga bo‘lgan cheksiz mehr-muhabbati va yuksak insoniy fazilatlari namoyon etildi.
🔹Muhammad Yusufning “Bobur nidosi” she’ri o‘qib eshittirildi.
🔹Ozodbek Nazarbekov ijrosidagi “Rayhondur” g‘azaliga bag‘ishlangan nafis raqs taronalari tadbirning badiiy cho‘qqisi bo‘ldi.
🔵Mazkur tadbir nafaqat Bobur Mirzo siymosini yod etish, balki uning ilm-fan, tafakkur va ma’naviyatga boy merosini yosh avlod ongiga singdirish yo‘lida muhim qadamlardan biri bo‘ldi. Tadbir davomida talabalar ijodkorlik, bilim va san’at uyg‘unligini namoyon etib, barchada katta taassurot qoldirdilar.
🔺Buyuk ajdodlarimiz merosini o‘rganish va ularga munosib davomchi bo‘lish har bir yoshning sharafli burchidir.
✅Rasmiy sahifalarimiz:
Telegram | Facebook | Instagram | YouTube | X | Linkedin
