Alisher Navoiy va Zahiriddin Muhammad Bobur siymolariga yuksak ehtirom!
Toshkent davlat tibbiyot universitetining 2-son akademik litseyida “Ijtimoiy fanlar, pedagogika va psixologiya” kafedrasi tashabbusi bilan buyuk allomalar tavallud ayyomlariga bag‘ishlangan ma’naviy-ma’rifiy tadbir tashkil etildi.
Tadbir davomida kafedra professor-o‘qituvchilari tomonidan ulug‘ mutafakkirlarimizning boy adabiy-ilmiy merosi, ularning insonparvarlik, vatanparvarlik va ma’rifatparvarlik g‘oyalari keng yoritildi. Mazmunli ma’ruzalar, she’riy chiqishlar orqali Navoiy va Bobur ijodining teran ma’no-mazmuni yoshlar qalbiga yetkazildi.
Ayniqsa, allomalar asarlaridan o‘qilgan namunalar o‘quvchi-yoshlar qalbida milliy g‘urur, tarixiy xotira va ma’naviy mas’uliyat tuyg‘ularini yanada mustahkamladi.
Bunday ma’rifiy uchrashuvlar nafaqat bebaho tarixiy merosimizni ulug‘lash, balki yosh avlodni yuksak ma’naviyat, teran tafakkur va sadoqat ruhida tarbiyalashga xizmat qilishi bilan ham alohida ahamiyat kasb etadi.
13.02.2026.
