Култуура сылыгар
"Биэс ынахтаах Бэйбэрикээн Эмээхсин" остуоруйа саҥа тыыннанна
Төрөөбүт тыл уонна сурук-бичик күнүгэр Булгунньахтаах оҕо искусствоҕа оскуолатын үлэһиттэрэ уонна үөрэнээччилэрэ бу музыкальнай-үҥкүү испэктээҕи Покровскайга «Саргы түһүлгэтэ» култуура киинин киэҥ-куоҥ сыанатыгар ситиһиилээхтик туруордулар.
Сөҕө-махтайа, астына көрдүм, иһиттим бу норуот үйэлээх айымньытын музыка, ырыа, үҥкүү доҕуһуоллаах сыананы уотунан-күөһүнэн киэргэтэн көрөөччүгэ бэлэхтээбиттэрин. Талааннаах да эбит тыа сирин оҕону кэрэ эйгэтигэр уһуйар дьоҕус кэлэктиибэ!
Кырачаан артыыстарбыт күн кыырпаҕынан ыһыахтанан, кэрэ сибэккилии симэнэн үҥкүүлээн ырыа аргыстанан тэйдилэр. Оҕо эрдэхтэн бэркэ билэр остуоруйабыт саҥалыы тыыннанан көһүннэ, истиҥ салгынынан илгийдэ.
Сиhилии: https://ханаласгазета.рф/bies-ynahtaah-bejberikeen-emeehsin-ostuoruja-saҥa-tyynnanna/
Людмила Аммосова, ааптар хаартыскаҕа уонна видеоҕа түһэриилэрэ.
