Хәйбуллалар яугирҙәрен онотмай
Ил менән бергә Хәйбулла районы ла махсус хәрби операция биләмәһендә ҡатнашҡан яугирҙәргә ярҙам итеүҙә әүҙемлек күрһәтә
Махсус хәрби операция башланғандан алып Хәйбулла районынан даими рәүештә яугирҙәргә гуманитар ярҙам оҙатыла. Күптән түгел сираттағы гуманитар йөк тә яугирҙәргә барып етте. Был хаҡта район хакимиәте башлығы Рөстәм Шәрипов үҙенең социаль селтәрҙәге сәхифәһендә хәбәр иткән.
"Ватанды һаҡлаусылар көнө хөрмәтенә хәйбуллалар менән йыйған сираттағы гуманитар йөк яугирҙәребеҙгә имен-аман барып етте! Яугирҙәр иң кәрәкле әйберҙәр - көндәлек кәрәк-яраҡ предметтары, йәшәү өсөн мөһим медицина препараттары, туғандарынан күптән көтөлгән посылкалар, аҙыҡ-түлек һәм хеҙмәт итеүҙең ҡатмарлы шарттарында рухты һәм уңайлыҡты тотоу өсөн бик мөһим башҡа әйберҙәр алды. Бигерәк тә балаларҙың йылы хаттары айырыуса ҙур әһәмиәткә эйә. Балаларҙың ихлас теләктәре яҙылған хаттарҙың Ватанды һаҡлаусылар көнө алдынан яугирҙәргә барып етеүе айырыуса тулҡынландырғыс. Был хаттар беҙҙең яугирҙәргә ысын көс сығанағы һәм уларҙы ни тиклем ныҡ яратыуҙары һәм өйҙә көтөүҙәре хаҡында иҫкәртеп торһон.
Беҙ ошо гуманитар ылауҙы йыйыуҙа ҡатнашҡандарҙың һәммәһенә лә оло рәхмәтебеҙҙе белдерәбеҙ! Меңәрләгән саҡрым юл үтеп, был йөктө уңышлы ташыған егеттәребеҙгә рәхмәт. Өйҙән ебәрелгән һәр посылка һалдаттарыбыҙға ышаныс, ярҙам һәм көс бүләк итһен. Беҙ һеҙгә ышанабыҙ, һеҙҙең менән ғорурланабыҙ һәм тиҙерәк тыуған яғығыҙға әйләнеп ҡайтыуығыҙҙы көтәбеҙ!” - тип яҙған район башлығы.
Сығанаҡ: Рөстәм Шәриповтың "Бәйләнештә"ге сәхифәһенән
Беҙҙең МАХ каналына max.ru/gazetabash... ҡушылығыҙ!
