💚Бөгөн Башҡортостан Республикаһының Дәүләт флагы көнө билдәләнә
25 февраль — Башҡортостан Республикаһының Дәүләт флагы көнө, ул 2002 йылдан алып билдәләнә. Беҙҙең флаг - республика халҡының берҙәмлеген кәүҙәләндерә. Уның төҫтәрендә башҡорт халҡының күп быуатлыҡ тарихы, үҙенсәлекле мәҙәниәте һәм үҙенсәлеге шифрланған. Флаг ата-бабаларыбыҙҙың батырлыҡтарын, тыуған яҡтың матурлығын һәм бөйөклөгөн иҫкә төшөрә, беҙҙе яңы ҡаҙаныштарға рухландыра.
Флагта өс (өҫтән аҫҡа): зәңгәр, аҡ һәм йәшел горизонталь һыҙатлы тура дүртмөйөш туҡыма.
Аҡ һыҙаттың уртаһында ете тажлы ҡурай сәскәһен уратып алған алтын түңәрәк.
Һәр элемент тәрән мәғәнәгә эйә:
🟦 Зәңгәр төҫ – уй-фекерҙәрҙең асыҡлығы һәм сафлығы.
⬜️ Аҡ төҫ – тыныслыҡты һөйөү һәм хеҙмәттәшлеккә әҙерлек.
🟩 Йәшел төҫ – азатлыҡ һәм мәңгелек тормош.
🟡 Ҡурай сәскәһе – дуҫлыҡ һәм берҙәмлек билдәһе.
Ҡурайҙың ете тажы Башҡортостан халыҡтарының берҙәмлегенә нигеҙ һалған ете ырыуҙы хәтерләтә.
Беҙҙең флаг һәр ваҡыт сәскә атыу, тыныслыҡ һәм татыулыҡ билдәһе булараҡ елберләһен!
Байрам менән!💚
